Börn mánans í Kópavogi
Síðastliðinn fimmtudag urðu tímamót í sögu Leikfélags Kópavogs þegar Unglingadeild félagsins frumsýndi Börn mánans eftir Michael Weller í leikstjórn Sigurþórs Alberts Heimissonar. Listin lætur ekki bíða eftir sér og það sannast í Kópavoginum þessa dagana. Þó smíði nýs leikhús Leikfélags Kópavogs hafi staðið yfir hefur Unglingadeild félagsins æft af fullum krafti undanfarnar vikur í hamarshöggum […]
Einu sinni var… hjá Leikfélagi Húsavíkur
Fimmtudagskvöldið 10. apríl frumsýnir Leikfélag Húsavíkur kvölddagskrá sem unnin er upp úr verkum sem hafa áður verið sýnd hjá félaginu. Tekin eru atriði úr Síldin kemur og síldin fer eftir þær systur Iðunni og Kristínu Steinsdætur, Skugga Sveini eftir Matthías Jochumsson, Gúmmí Tarsan eftir Ole Lund Kirkegaard og Sölku Völku eftir Halldór Laxness.
Straumar og stefnur í aðferðafræði leikstjórans
Mánudaginn 7. apríl kl. 20 mun Rúnar Guðbrandsson ræða mismunandi hugmyndir um hlutverk og aðferðafræði leikstjórans í gegnum söguna. Hann fer í gegnum strauma og stefnur sem hafa haft mótandi áhrif á leikhús vesturlanda og veltir fyrir sér stöðu leikstjórans í íslensku leikhúsi. Hann hefur boðið með sér nokkrum sviðslistamönnum sem munu tala um kynni […]
Così fan tutte í Íslensku óperunni
Hvað gerist þegar saman koma 25 söngnemendur, 30 nemendur í hljóðfæraleik, Mozart og hópur atvinnufólks úr íslensku tónlistar- og leikhúslífi? Svar: Così fan tutte í Íslensku óperunni ævintýraleg, uppátækjasöm og stórskemmtileg uppfærsla Óperustúdíós Íslensku óperunnar, í leikstjórn Ágústu Skúladóttur, á einu af meistaraverkum óperubókmenntanna, þar sem hlutirnir eru langt frá því að vera það […]
Leikhópurinn Perlan fagnar 25 ára afmæli
Í tilefni af 25 ára afmæli Perlunnar, frumsýnir leikhópurinn tvö verk sunnudaginn 6. apríl næstkomandi kl. 14.00. Annars vegar er það leikverkið Mídas konungur er með asnaeyru, og hins vegar Ljón og Mýs, en Sigríður hefur sjálf unnið leikgerðir beggja verka auk þess sem hún leikstýrir. Dansverkið Body-Slap eftir Láru Stefánsdóttur, sem höfundur leikstýrir jafnframt, […]
Gítarleikararnir í Borgarleikhúsinu
Laugardaginn 5. apríl næstkomandi verður leikverkið Gítarleikararnir eftir Line Knutzon, í leikstjórn Hilmis Snæs Guðnasonar, frumsýnt á Litla sviðinu í Borgarleikhúsinu. Verkið, sem mætti kalla hlýlegan gamanleik með lifandi tónlist, fjallar um fjórar manneskjur sem koma saman til að votta nýlátnum trúbador virðingu sína. Line Knutzon hefur einstakt lag á að gæða hversdagslegar samræður persóna […]
Hver er sá ljóti?
Þjóðleikhúsið frumsýnir leikritið Sá ljóti eftir þýska leikskáldið Marius von Mayenburg á Smíðaverkstæðinu þann 5. apríl nk. í leikstjórn Kristínar Eysteinsdóttur. Sá ljóti er nýjasta verk Þjóðverjans Mariusar von Mayenburg sem hefur vakið mikla athygli í evrópsku leikhúslífi á undanförnum árum. Verkið er jafnframt fyrsta verk hans sem sviðsett er á Íslandi, en Ríkisútvarpið hefur […]
Áheyrnarpróf Rose Bruford College í Hinu húsinu
Dagana 5.-6. apríl fara fram áheyrnarpróf fyrir breska leiklistarskólann Rose Bruford College í Hinu húsinu Pósthússtræti 3-5, fyrir inngöngu í skólann í september 2008. Skólinn býður uppá afar fjölbreytt BA nám í leiklist, t.d. í leik, leikstjórn, allri hönnun fyrir leikhús, leikhúsfræði, leikhústónlist o.m.fl. Skólinn er staðsettur í London.
Aðalfundur og einþátttungahátíð í Skagafirði
Dagana 1. 4. maí verður aðalfundur Bandalags íslenskra leikfélaga haldinn í félagsheimilinu Árgarði í Skagafirði og í tengslum við hann verður haldin einþáttungahátíð. Hún hefst að kvöldi fimmtudagsins 1. maí og stendur fram eftir föstudegi. Sjálfur aðalfundurinn hefst svo að morgni laugardagsins 3. maí og stendur fram að hádegi á sunnudeginum. Aðildarfélög Bandalagsins eru hér […]
Skoppa og Skrítla með nýja leiksýningu
Vinkonurnar Skoppa og Skrítla njóta ómældra vinsælda meðal yngstu kynslóðarinnar. Á síðasta leikári sýndu þær sitt fyrsta leikrit, Skoppa og Skrítla í leikhúsinu, í Þjóðleikhúsinu og sló sýningin rækilega í gegn. Nú er von á nýju leikriti með Skoppu og Skrítlu, og heitir það Skoppa og Skrítla í söng-leik. Sýningin verður frumsýnd í Kúlunni, barnasviði […]
Hvað varð um Kaþarsis?
Leiklistarsamband Íslands og Leiklistardeild Listaháskóla Íslands boða til Leiklistarþings mánudaginn 31.mars kl.20 á Kaffi Sólon, Bankastræti 7a, 2. hæð. Fjórir frummælendur munu velta fyrir sér hlutverki leikhússins í samtímanum og opnað verður fyrir almennar umræður. Frummælendurnir eru þau Sveinn Einarsson, María Kristjánsdóttir, Jón Páll Eyjólfsson og Björk Jakobsdóttir og munu þau velta fyrir sér spurningunni […]
Hugleikur frumsýnir 39½ viku
Föstudaginn 28. mars frumsýnir Leikfélagið Hugleikur leikritið 39½ viku eftir Hrefnu Friðriksdóttur. Leikstjórar eru Ásta Gísladóttir, Júlía Hannam og Sigurður H. Pálsson. 39½ vika er farsakenndur gamanleikur sem snýst að verulegu leyti um barneignir og sauðfjárrækt. Sveitapilturinn Valur fær afnot af skrifstofu frænku sinnar, sem starfar sem félagsráðgjafi á kvennadeild sjúkrahúss. Valur er að leggja […]
Leikfélag Sauðárkróks finnur milljón
Í byrjun mars hóf Leikfélag Sauðárkróks æfingar á gamanleikritinu Viltu finna milljón? eftir Ray Cooney en Gísli Rúnar Jónsson sá um íslenskun og gerði nýja leikgerð verksins. Leikstjóri er Jón Stefán Kristjánsson.
Engisprettur frumsýndar 27. mars
Þjóðleikhúsið frumsýnir leikritið Engisprettur eftir serbneska leikskáldið Biljana Srbljanović á Stóra sviðinu þann 27. mars nk. í leikstjórn Þórhildar Þorleifsdóttur. Þetta ljúfsára verk fjallar á manneskjulegan og heillandi hátt um samskipti fólks, baráttu ólíkra kynslóða og samskipti í fjölskyldum, togstreituna milli foreldra og barna, systkina og hjóna. Við kynnumst hópi persóna og fylgjumst með því […]
Leikfélag Hörgdæla og Passíusálmarnir
Passíusálmar Hallgríms Péturssonar verða lesnir á Föstudaginn langa í Möðruvallakirkju í Hörgárdal og hefst lesturinn kl. 13:00 og gert er ráð fyrir að honum ljúki um kl. 18:00. Þetta er í áttunda skiptið sem Möðruvallaklaustursprestakall og Leikfélag Hörgdæla standa fyrir þessum upplestri og er fólk hvatt til að mæta og eiga samverustund í kirkjunni.
Bjarni Jónsson tilnefndur
Leiklistarsamband Íslands tilnefndi í dag Bjarna Jónsson til Norrænu leikskáldaverðlaunanna fyrir leikritið Óhapp! sem frumflutt var síðasta haust á Smíðaverkstæði Þjóðleikhússins í leikstjórn Stefáns Jónssonar. Uppsetningin hlaut afar góð viðbrögð áhorfenda jafnt sem gagnrýnenda, sem lofuðu verkið og sýninguna. Leiklistarvefurinn upplýsir með stolti að Bjarni er einn af kennurum Leiklistarskóla Bandalagsins í júní nk. og […]
Bærinn breiðir úr sér í Keflavík
Föstudaginn 7. mars frumsýndi Leikfélaga Keflavíkur revíuna Bærinn breiðir úr sér eftir Breiðbandið, en það skipa þeir Magnús Sigurðsson, Rúnar Hannah og Ómar Ólafsson. Leikstjóri er Helga Braga Jónsdóttir, danshöfundur er Josy Zareen og tónlistarstjóri er Júlíus Freyr Guðmundsson.
Bingó til Riga
Norður-evrópska áhugaleikhúsráðið, NEATA, stendur fyrir leiklistarhátíðum á tveggja ára fresti og skiptast aðildarlöndin á að halda hana. Í sumar er komið að Lettlandi og verður hátíðin haldin í Riga dagana 5. til 10. ágúst. Til hennar er boðið sýningum frá aðildarlöndum NEATA: Danmörku, Eistlandi, Færeyjum, Finnlandi, Íslandi, Litháen, Noregi, Svíþjóð og Lettlandi. Að þessu sinni […]
Dubbeldusch frumsýnt á fimmtudag
Nýtt íslenskt leikrit, Dubbeldusch, eftir Björn Hlyn Haraldsson verður frumsýnt hjá LA á fimmtudag, 13. mars. Hér er á ferðinni ljúfsárt verk um mann sem stóð frammi fyrir erfiðu vali fyrir þrjátíu árum en nú bankar fortíðin upp á. Björn Hlynur leikstýrir verkinu sjálfur en Hilmar Jónsson leikur aðalhlutverkið en hann hefur ekki leikið að […]
Baðstofunni boðið til Wiesbaden
Leiksýningu Þjóðleikhússins á Baðstofunni hefur verið boðið á leikritatvíæringinn í Wiesbaden í Þýskalandi í sumar. Þar fer fram ein þekktasta leiklistarhátíð Evrópu, en hún er helguð nýjum leikritum. Baðstofan er þriðja leikrit Hugleiks Dagssonar en verkið var frumsýnt í leikstjórn Stefáns Jónssonar í Kassanum þann 9. febrúar sl.
Saga Bandalagsins á Rás 1
Á laugardaginn verður fluttur á rás 1 útvarpsþáttur um útgáfu Sögu Bandalagsins sem áformað er að komi út í vor. Þátturinn er á dagskrá á laugardaginn, 8. mars, klukkan 15.20 og verður endurfluttur föstudagskvöldið 14. mars. Þáttagerð annaðist fyrrverandi starfsmaður Bandalagsins, Sigríður Lára Sigurjónsdóttir. Í þættinum er m.a. rætt við Bjarna Guðmarsson, söguritara, og Þorgeir […]
Tveir tvöfaldir á Blönduósi
Næstkomandi föstudagskvöld frumsýnir Leikfélag Blönduóss gamanleikinn Tveir tvöfaldir eftir Ray Cooney í þýðingu Árna Ibsen. Leikstjóri er Ingrid Jónsdóttir og þetta er í annað skipti sem hún leikstýrir á Blönduósi. Leikarar eru átta talsins en að sýningunni koma í kring um tuttugu manns.
Verðlaun fyrir Svartan hatt
Leikskáld framtíðarinnar áttu sviðið síðasta laugardagskvöld þegar úrslit hinnar árlegu örleikritasamkeppni Þjóðleikhússins og Listaháskóla Íslands fyrir framhaldsskólanema fór fram. Fimm verk voru valin til þátttöku í úrslitunum en fjöldi örleikrita barst vítt og breitt af landinu. Leiklistarnemar á öðru ári í LHÍ fluttu verkin með tilþrifum en leikskáldin sem komust í úrslit voru Árni Arason, […]
Útsýni, síðasta sýning í kvöld
Í kvöld er síðasta sýning á leikritinu Útsýni eftir Júlíu Hannam í Möguleikhúsinu kl. 20. Um er að ræða nýtt íslenskt leikverk sem er fyrsta leikrit höfundar í fullri lengd, en Júlía hefur skrifað sjö einþáttunga sem settir hafa verið á svið hjá Hugleik. Þeirra á meðal er Í öruggum heimi, sem valin var besta […]
Pétur og úlfurinn snúa aftur
Hin sívinsæla brúðusýning Bernds Ogrodnik um Pétur og úlfinn er á leiðinni aftur á fjalirnar í Þjóðleikhúsinu. Verkið byggir á tónlist og söguþræði rússneska tónskáldsins Sergei Prokofief en Bernd gerir brúður og stýrir þeim í þessari ægifögru og stórskemmtilegu sýningu sem sló í gegn hjá áhorfendum á öllum aldri í vor. Sýnt verður í Kúlunni, […]
Örleikritasamkeppnin Svartur hattur haldin
Úrslit hinnar árlegu örleikritasamkeppni Þjóðleikhússins og Listaháskóla Íslands fyrir framhaldsskólanema fara fram á stóra sviði Þjóðleikhússins næstkomandi laugardagskvöld, 1. mars kl. 20.00. Aðgangur er ókeypis og opinn öllum.
Alþjóðlega leiklistarhátíðin Lókal haldin í fyrsta sinn
Leiklistarhátíðin Lókal verður haldin dagana 5. 9. mars nk. Markmiðið með hátíðinni er að kynna Íslendingum samtímaleikhús frá Evrópu og Bandaríkjunum og tefla um leið fram nýjum verkum íslensks leikhúsfólks. Í fyrstu atrennu verður boðið upp á alls sjö leiksýningar.
Æfingar í fullum gangi á Dubbeldusch hjá LA
Hjá LA standa nú yfir æfingar á nýju íslensku leikriti, Dubbeldusch, eftir Björn Hlyn Haraldsson. Hér er á ferðinni ljúfsárt verk um mann sem stóð frammi fyrir erfiðu vali fyrir þrjátíu árum en nú bankar fortíðin upp á. Sýningin verður frumsýnd í Rýminu á Akureyri 13. mars. Björn Hlynur leikstýrir verkinu sjálfur en Hilmar Jónsson […]
Pétur Gautur í víking að nýju
Sýning Þjóðleikhússins á Pétri Gaut eftir Henrik Ibsen, í leikstjórn og leikgerð Baltasars Kormáks, verður einn af hápunktum menningarhátíðarinnar Iceland on the Edge í Brussel nú í lok febrúar. Hátíðin verður sett þriðjudaginn 26. febrúar og stendur til 15. júní en sýningar á Pétri Gaut verða 29. febrúar og 1. mars.
Jörundur í Freyvangi
Freyvangsleikhúsið í Eyjafjarðarsveit frumsýnir söng- og gleðileikinn Þið munið hann Jörund eftir Jónas Árnason, föstudaginn 22. febrúar. Allir þekkja ævintýrið um Jörund sem kom hingað til Íslands og gerðist þar yfirvald nánast upp á sitt eindæmi. Tónlist verksins hefur verið gerð ódauðleg í gegnum tíðina, Þrjú á palli spiluðu og sungu undir sýningunni í fyrstu […]
Tveggja þjónn á Siglufirði
Leikfélag Siglufjarðar frumsýnir á morgun, föstudaginn 22. febrúar, ærslafulla gamanleikinn Tveggja þjónn eftir Carlo Goldoni í leikstjórn Elvars Loga Hannessonar. Hér er á ferðinni bráðfjörugur ítalskur leikur sem fjallar um þjóninn Eldibrand sem lendir í því að þurfa að þjóna tveimur herrum samtímis.
Frumsýning í Aratungu
Leikdeild Ungmennafélags Biskupstungna frumsýnir 22. febrúar í Aratungu gamanleikinn Leynimel 13. eftir Þrídrang. Alls taka 13 leikarar og fjölmennt lið aðstoðarmanna þátt í sýningunni. Leikstjóri er Gunnar Björn Guðmundsson.
Líkaminn í Borgarleikhúsinu
Fimmtudaginn 21. febrúar gefst áhugasömum kostur á að sjá nokkar sýningar ungs fólks sem allar tengjast líkamanum með einum eða öðrum hætti. Sýningarnar eru afrakstur samstarfsverkefnis Borgarleikhússins, LHÍ og Hins Hússins. Verkin fjalla öll að einhverju leyti um líkamann.
Kommúnan frumsýnd í Borgarleikhúsinu
Leikritið Kommúnan, eftir Gísla Örn Garðarsson, byggt á kvikmynd Lukas Moodyssons, Tillsammans, verður frumsýnt í Borgarleikhúsinu næstkomandi fimmtudag, þann 21. febrúar. Kommúnan er gamanleikur með dökkum undirtón, nostalgískt leikrit um vandamálin og hamingjuna sem felst í því að vera manneskja umkringdur öðrum manneskjum. Kommúnan er samstarfsverkefni Vesturports og Leikfélags Reykjavíkur.
Snúður og Snælda frumsýna Flutningana
Sunnudaginn 24. febrúar frumsýnir leikfélagið Snúður og Snælda leikritið Flutningarnir eftir Bjarna Ingvarsson en hann er jafnframt leikstjóri verksins. Leikritið er um leikhóp áhugamanna á landsbyggðinni, sem verður að flytja geymsluaðstöðu sína úr frystihúsi staðarins þar sem það er farið á hausinn og nýjir eigendur ljá ekki máls á því að leikfélagið fái áfram að […]
Sólarferð á svið
Þjóðleikhúsið frumsýnir leikritið Sólarferð eftir Guðmund Steinsson nk. föstudag, þann 15. febrúar í leikstjórn Benedikts Erlingssonar. Verkið er sýnt á Stóra sviðinu. Það er í sjálfu sér viðburður í hvert sinn sem íslenskt leikrit er sett upp að nýju, enda harla fátítt, og getur á sinn hátt skoðast sem vísbending um að höfundurinn eigi líf […]
UMFR æfir Þið munið hann Jörund
Ungmennafélag Reykdæla í Borgarfirði fagnar 100 ára afmæli sínu í apríl næstkomandi. Stærsta verkefni félagsins á afmælisári, auk útgáfu afmælisrits, er uppfærsla leikritsins Þið munið hann Jörund, eftir Jónas Árnason. Ævintýrið um Jörund hundadagakonung er bráðskemmtilegt söng- og gamanleikverk. Það var fyrst fært upp í Iðnó árið 1970 og hefur síðan verið viðfangsefni margra áhugaleikfélaga […]
Óþelló, Desdemóna og Jagó á Lókal
Leikritinu Óþelló, Desdemóna og Jagó sem frumsýnt var 30. janúar á litla sviði Borgarleikhússins hefur verið boðin þáttaka á Lókal, alþjóðlegri leiklistarhátíð sem fram fer í Reykjavík í byrjun mars. Sýningin er samvinnuverkefni Draumasmiðjunnar, Leikfélags Reykjavíkur og Íslenska dansflokksins. Óvenjuleg leikgerð Gunnars I. Gunnsteinssonar sem byggir á leikritinu Óþelló eftir Shakespeare hefur vakið athygli og […]
Baðstofan sýnd í Kassanum
Þjóðleikhúsið frumsýnir leikritið Baðstofan eftir Hugleik Dagsson nk. laugardag, þann 9. febrúar. Verkið er sýnt í Kassanum á Lindargötu 7. Hugleikur heldur þar áfram að kanna ástand íslensku þjóðarinnar og möguleika leikhússins í félagi við Stefán Jónsson leikstjóra, Ilmi Stefánsdóttur leikmyndahöfund og hljómsveitina Flís. Nú horfir Hugleikur um öxl en Baðstofan fullkomnar þannig þríleik höfundarins […]
Opið Þjóðleikhús á Vetrarhátíð
Dagana 7.-9. febrúar er Vetrarhátíð í Reykjavík og Þjóðleikhúsið lætur ekki sitt eftir liggja. Í tilefni Vetrarhátíðar bjóðum við upp á notalegar stundir, fríar sýningar og almennt fjör á galopnum degi. Kynnið ykkur dagskrána og takið frá tíma í leikhúsinu. Næstkomandi laugardag verður opið hús í aðalbyggingu Þjóðleikhússins við Hverfisgötu þar sem fjölbreytt skemmtun verður […]