Aðalfundur Leikfélags Hafnarfjarðar 2008
Þriðjudaginn 15. júlí nk. verður aðalfundur Leikfélags Hafnarfjarðar haldinn í húsnæði félagsins í Gamla Lækjarskóla. Fundurinn hefst klukkan 20.00 og á dagskrá eru venjuleg aðalfundarstörf. Hvetjum alla þá sem hafa áhuga á starfinu til að mæta. Sjáumst öll! Kveðja, Leikfélag Hafnarfjarðar
Galdrakarlinn í Oz á Vestfjörðum
Dagana 5. og 6. júlí leggur Leikhópurinn Lotta land undir fót og heldur til Vestfjarða með útisýningu sína á Galdrakarlinum í Oz. Laugardaginn 5. júlí kl. 14:00 verður sýning á Bíldudal og sunnudaginn 6. júlí kl. 14:00 verður sýnt á túninu við Gamla sjúkrahúsið á Ísafirði en þar sýndi leikhópurinn einmitt Dýrin í Hálsaskógi í […]
Styttist í Act alone á Ísafirði
Hulunni hefur nú verið svipt af dagskrá Act alone sem haldin verður í Hömrum, Ísafirði dagana 2. til 6. júlí 2008. Það eru engar ýkjur að segja að dagskráin hafi aldrei verið jafn glæsileg og í ár. Boðið verður uppá 24 sýningar, leiklistarnámskeið og kennslustund í að reka eins manns leikhús. Að vanda er aðgangur […]
Dauðasyndirnar halda áfram
Leikritið Dauðasyndirnar, guðdómlegur gleðileikur, sem frumsýnt var þann 8. maí síðastliðinn í Borgarleikhúsinu mun halda áfram göngu sinni næsta haust og verða hluti af glæsilegri dagskrá næsta starfsárs. Síðustu sýningar eru nú um helgina og fyrir löngu orðið uppselt. Í verkinu segir frá hremmingum Dantes og ferð hans um hringi helvítis í leið sinni um […]
Stóla fyrir Óla!
Nýr söngleikur Ólafs Hauks Símonarsonar, Fólkið í blokkinni, verður frumsýndur á stóra sviði Borgarleikhússins 10. október n.k. og er undirbúningur kominn á fullan skrið. Leikhúsið reiðir sig á aðstoð landsmanna, því nú vantar ekki einn og ekki tvo, heldur ríflega 400 stóla til notkunar í sýningunni. Óskað er eftir því að landsmenn komi með stóla […]
Nýr sjóður til eflingar leikritun á Íslandi
Stofnaður hefur verið nýr sjóður, Prologus, með það að markmiði að hlúa að leikritun á Íslandi og efla höfundastarf við Þjóðleikhúsið. Sjóðurinn er stofnaður af Bjarna Ármannssyni og Helgu Sverrisdóttur, í samvinnu við Þjóðleikhúsið. Stofnframlag sjóðsins er 16 milljónir króna, en sjóðurinn mun starfa frá árinu 2008 til ársins 2010. Sjóðurinn var formlega stofnaður í […]
Leiklistarskóli Bandalagsins settur
Leiklistarskóli Bandalags ísl. leikfélaga var settur á laugardaginn að Húsabakkaskóla í Svarfaðardal. Þar er í ár boðið uppá þrjú námskeið; grunnnámskeið í leikritun, kennari Bjarni Jónsson, Leiklist II – framhaldsnámskeið fyrir leikara, kennari Ágústa Skúladóttir og sérnámskeið fyrir leikara, kennari Rúnar Guðbrandsson. Nemendur á námskeiðunum eru samtals 41.
Allt fyrir andann forsala hafin
Í september næstkomandi kemur út bókin Allt fyrir andann Bandalag íslenskra leikfélaga, 19502000. Þar er rakin saga Bandalagsins í 50 ár en allt frá stofnun hefur hreyfingin verið öflugur bakhjarl leikfélaganna í landinu og tilkoma hennar blés nýju lífi í leikstarf úti um allt land. Hægt er að kaupa bókina í forsölu og setja […]
Skeifa Ingibjargar á Grand Rokk
Leikfélagið Peðið frumsýnir rokkkabarettinn Skeifu Ingibjargar eftir Benóný Ægisson á efri hæð Grand Rokk, laugardaginn 7. júní klukkan 15.00. Verkið fjallar um Ingibjörgu, stórfrænku Jóns forseta og síðar konu hans, sem beið sjö ár í festum eftir því að Jón giftist henni. Á meðan á biðinni stóð kom hún sér upp rosalegustu skeifu sem höfundur […]
Áhorfendaverðlaun Grímunnar 2008
Gríman – Íslensku leiklistarverðlaunin verða veitt í sjötta sinn við hátíðlega athöfn föstudaginn 13. júní á Stóra sviði Þjóðleikhússins og í beinni útsendingu í Sjónvarpinu. Útsendingin hefst kl. 20:55, strax að loknum leik Hollands og Frakklands á Evrópumótinu í knattspyrnu sem fram fer sama dag. Kosning er nú hafin til áhorfendaverðlauna Grímunnar 2008. Verðlaunin gefa […]
Skoska leikritið krufið
Hópur leikara Þjóðleikhússins starfar þessa dagana í vinnusmiðju kenndri við eina þekktustu hetju Shakespeares, sjálfan Makbeð. Þessi hópur mun sýna afraksturinn af vinnumiðjunni í haust en að þessu sinni er farin fremur nýstárleg leið að þessari merku leikhúshetju Shakespeares. Vinnusmiðjuna leiðir Stefán Hallur Stefánsson leikari en varnarþing hennar er á Smíðaverkstæði Þjóðleikhússins. Vinnan hefur þó […]
Leikhópurinn Lotta sýnir Galdrakarlinn í Oz
Í sumar mun Leikhópurinn Lotta sýna undir berum himni fjölskyldusýninguna Galdrakarlinn í Oz víðsvegar um landið en leikhópurinn sýndi einmitt Dýrin í Hálsaskógi í fyrrasumar við miklar vinsældir. Frumsýning verður sunnudaginn 1. júní í Elliðaárdal og verða þá tvær sýningar sú fyrri klukkan 14:00 og seinni klukkan 17:00. Verkið verður síðan sýnt í Elliðaárdalnum sýnt […]
SL heldur málþing i Iðnó
Fimmtudaginn 29. Maí kl. 12-14 halda Sjálfstæðu leikhúsin málþing í Iðnó um stöðu stjálfstætt starfandi sviðslistamanna. Yfirskrift málþingsins er Er starfsumhverfi sjálfstæðra leikhópa í takt við tímann?
Lokasýning á Barninu 30. maí
Leikfélag Hafnarfjarðar sýnir núna næstkomandi föstudagskvöld leikritið Barnið eftir Edward Albee í leikstjórn Lárusar Vilhjálmssonar í síðasta sinn. Sýningin hest klukkan 20.00 og í tilefni af 100 ára afmælis Hafnarfjarðarbæjar býður leikfélagið FRÍTT á þessa sýningu. Þar sem sætaframboð er takmarkað er samt sem áður nauðsynlegt að panta miða og það er hægt að gera […]
Spennandi námskeið á Act alone í sumar
Sigurður Skúlason leikari heldur námskeið í textaflutningi, laust mál og bundið á einleikjahátíinni Act alone sem haldin verður á Ísafirði í sumar. Yfirskrift námskeiðsins er Hvað felst í textanum og hvernig komum við því til skila í flutningi?. Kennt verður fimmtudaginn 3. og föstudaginn 4. júlí í Háskólasetri Vestfjarða þar sem skráning fer jafnframt fram […]
Halaleikhópurinn í Þjóðleikhúsinu
Á hverju ári stendur Þjóðleikhúsið fyrir vali á athyglisverðustu áhugaleiksýningu leikársins. Þjóðleikhússtjóri, Tinna Gunnlaugsdóttir, tilkynnti um valið á áhugasýningu ársins á þingi Bandalags íslenskra leikfélaga í Skagafirði þann 3. maí s.l., en fyrir valinu í ár varð sýning Halaleikhópsins á Gaukshreiðrinu, leikgerð Dale Wasserman byggðri á skáldsögu Ken Kesey í þýðingu Sonju B. Jónsdóttur. Að […]
Tilnefningar til Grímunnar 2008
Leiklistarsamband Íslands boðar til fréttamannafundar föstudaginn 16. maí á Stóra sviði Þjóðleikhússins. Fundurinn hefst kl. 16. Tilkynnt verður um hvaða sýningar og listamenn hljóta tilnefningar til Grímunnar – Íslensku leiklistarverðlaunanna árið 2008. Forseti Íslands Hr. Ólafur Ragnar Grímsson, sem jafnframt er verndari Grímunnar, afhendir þeim listamönnum viðurkenningar er tilnefningar hljóta. Gríman – Íslensku leiklistarverðlaunin verða […]
Yfir landamæri lista og landa
Íslenskum áhorfendum gefst nú einstakt tækifæri til að sjá hina óvenjulegu og rómuðu samísku leiksýningu Sá hrímhærði og draumsjáandinn. Samíska leikhúsið Beaivvá sýnir verkið í Kassanum í Þjóðleikhúsinu þriðjudagskvöldið 27. maí nk. Leikstjóri sýningarinnar og listrænn stjórnandi leikhússins er Haukur J. Gunnarsson. Haukur er íslenskum áhorfendum að góðu kunnur fyrir uppsetningar sínar og gestaleiki hér […]
2 fyrir 1 hjá Leikfélagi Hafnarfjarðar.
Vegna framkvæmda fyrir framan húsnæði félagsins höfum við breytt sýningartímum og bjóðum nú uppá 2 fyrir 1 á allar sýningar! Jafnframt minnum við fólk á að mæta tímanlega, þar sem ekki er nein bílastæði að fá fyrir framan húsið. Hægt er að leggja bílum við Hafnarfjarðarkirkju eða við Gamla bókasafnið í Hafnarfirði.
Hugleikur í Þjóðleikhúskjallaranum
Hugleikur setur endapunktinn á leikárið 2007 til 2008 með leikdagskrá í Þjóðleikhúskjallaranum. Dagskráin verður flutt þriðjudaginn 13. maí og föstudaginn 16. maí. Flutt verða fimm leikverk eftir félagsmenn, þar af eru fjögur frumflutt. Samkvæmt venju er leikstjórn í höndum liðsmanna Hugleiks. Við sögu koma m.a. ógæfufólk, tröll, framliðnir, áhugamenn um uppvask og fólk sem sýnir […]
Velheppnuðum aðalfundi Bandalagsins lokið
Nú er að baki aðalfundur Bandalags íslenskra leikfélaga 2008 og var hann haldinn í boði Leikfélags Sauðárkróks í Árgarði í Skagafirði dagana 3. 4. maí. Var mál manna að fundur hinn hafi allur verið hinn besti og vel að honum staðið hjá Sauðkrækingum í hvívetna en þeir tóku á móti fundargestum á föstudagskvöld með […]
Glötuð netfangaskrá og ný bloggsíða
Leikfélagið Sýnir óskar hér með eftir fólki til að hafa á netfangaskrá þar sem eldri netfangaskrá virðist hafa gufað upp. Ef þig langar til að fylgjast með hvað félagið er að gera eða vera með endilega sendið tölvupóst á leikfelagid.synir@gmail.com . Einnig viljum við nýta tækifærið og benda fólki á bloggsíðuna okkar – www.leikfelagidsynir.blog.is […]
Langar þig til Riga í sumar?
Norður-evrópska áhugaleikhúsráðið, NEATA, stendur fyrir leiklistarhátíðum á tveggja ára fresti og skiptast aðildarlöndin á að halda hana. Í sumar er komið að Lettlandi og verður hátíðin haldin í Riga dagana 5. til 10. ágúst. Til hennar er boðið sýningum frá aðildarlöndum NEATA: Danmörku, Eistlandi, Færeyjum, Finnlandi, Íslandi, Litháen, Noregi, Svíþjóð og Lettlandi. Leiksmiðjur og gagnrýni […]
Dauðasyndirnar frumsýnt í Borgarleikhúsinu
Þann 8. maí verður leikverkið Dauðasyndirnar frumsýnt á Litla sviði Borgarleikhússins. Dauðasyndirnar er trúðaleikur fyrir fullorðna sem byggir frjálslega á Guðdómlegum gleðileik Dantes. 4 trúðar, þau Barbara, Gjóla, Za-ra og Úlfar, segja frá hremmingum Dantes sem þarf að fara um helvíti, og hreinsunareldinn til til þess að uppskera paradís. Á leiðinni nýtur hann traustrar leiðsagnar Virgils. […]
Búlúlala á Ísafirði
Búlúlala Öldin hans Steins er nýtt leikverk fyrir leikara og tónlistarmann sem Kómedíuleikhúsið setur á svið til að minnast aldarafmælis Steins Steinars. Leikurinn verður frumsýndur fimmtudaginn 8. maí í Tjöruhúsinu á Ísafirði. Alls verða þrjár sýningar á Ísafirði eftir það verður flakkað um Vestfirðina og sýnt á Flateyri, á Bíldudal, í Bolungarvík og í […]
Villidýr og Pólitík á Akureyri
Það eru þeir Radíusbræður, Davíð Þór og Steinn Ármann, sem leiða saman hesta sína á ný í íslensku útgáfunni af þessum víðfrægðu Ricky Gervais uppistandssýningum. Hafa þeir gert þessar sýningar að sínum eigin með hjálp leikstjórans Gunnars B. Guðmundssonar, sem leikstýrði síðasta Skaupi og kvikmyndinni Astrópíu. Sýningin var frumsýnd í Borgarleikhúsinu á vormánuðum og verður […]
Hugleikur til Västerås
Hugleikur leggur land undir fót í dag. Sýningu félagsins á leikritinu Útsýni eftir Júlíu Hannam hefur verið boðið á leiklistarhátíð sænska áhugaleikhússambandsins, ATR, í Västerås, sem fram fer 29. apríl til 4. maí. Leikstjórn Útsýnis er í höndum gamalkunnra Hugleikara, þeirra Rúnars Lund og Silju Bjarkar Huldudóttur, en þau hafa bæði starfað með leikfélaginu í […]
Nýr íslenskur söngleikur í Þjóðleikhúsinu
Söngleikurinn Ástin er diskó, lífið er pönk verður frumsýndur í Þjóðleikhúsinu fimmtudaginn 1. maí nk. Frá Stóra sviðinu berast nú taktfastir diskótónar í bland við argasta pönk því viðfangsefni Hallgríms Helgassonar, höfundar verksins, er litríkur átakatími í íslensku menningarlífi. Í verkinu hljóma gamlar (og nýjar) diskó- og pönkperlur í frábærum flutningi okkar bestu listamanna. Leikstjóri […]
Vill einhver elska ….
49 ára gamlan mann? Hann vinnur hjá skattinum… og týndi skjalatöskunni sinni… og fann aðra með 400 milljónum… Leikfélag Sauðárkróks sýnir gamanleikinn Viltu finna milljón? eftir Ray Cooney í nýrri leikgerð og þýðingu Gísla Rúnars Jónssonar. Frumsýning verður sunnudaginn 27. apríl klukkan 20:30 í Bifröst á Sauðárkróki. Leikstjóri er Jón St. Kristjánsson.
Leikfélagið Sýnir boðar til aðalfundar
Sunnudaginn 27. apríl nk. verður aðalfundur Leikfélagsins Sýna haldinn í húsnæði Leikfélag Hafnarfjarðar í Gamla Lækjarskóla. Fundurinn hefst klukkan 16.00 og á dagskrá eru venjuleg aðalfundarstörf.
Borgarbörn fagna 444 ára afmæli Shakespeares
Borgarbörn, barna- og unglingaleikhús, frumsýna Allt í misgripum eftir William Shakespeare á Nýja sviði Borgarleikhússins þann 23. apríl kl. 19:00. Sýningin er hluti af Shakespeare 24, sem er stærsta alþjóðlega Shakespeare-leiklistarhátíð, sem haldin hefur verið meðal barna og unglinga.
Aðalfundur BÍL 2008 – Einþáttungahátíð fellur niður!
Vegna lítillar þátttöku fellur einþáttungahátíðin niður sem við ætluðum að halda í tengslum við aðalfund Bandalags íslenskra leikfélaga helgina 1.-4. maí. Þátttaka í aðalfundi er lítil og því var nauðsynlegt að leita nýrra samninga við staðarhaldara hjá Félagsheimilinu Árgarði og gistiheimilinu að Bakkaflöt. Það er komin ný dagskrá og miðast hún við tvær gistinætur og […]
Aukasýning á 39½ viku
Hugleikur verður með aukasýningu á leikritinu 39½ viku eftir Hrefnu Friðriksdóttur föstudaginn 25. apríl í Möguleikhúsinu við Hlemm vegna góðrar aðsóknar. Lokasýning var sl. miðvikudag og var þá sýnt fyrir troðfullu húsi. Leikstjórar 39½ viku eru Ásta Gísladóttir, Júlía Hannam og Sigurður H. Pálsson.
Hverjir eru höfundar leikhússins?
Mánudaginn 21. apríl kl. 20 munu Leiklistarsamband Íslands og Leiklistardeild Listaháskóla Íslands standa fyrir fyrirlestri um stöðu höfundar í nútímaleikhúsi á Kaffi Sólon, Bankastræti 7a, 2. hæð. Fyrirlesarar eru Charlotte Böving, leiklistarkona og Jón Atli Jónasson, leikskáld.
Rocky Horror á Hornafirði
Leikfélag Hornafjarðar í samvinnu við FAS sýnir nú Söngleikinn Rocky Horror í leikstjórn Jóns Inga Hákonarsonar. Frumsýnt var þann 10. apríl og fara sýningar fram í Mánagarði. Kór- og tónlistarstjóri er Anna Lilja Karlsdóttir. Þessi frægi söngleikur Richards O'Briens nýtur gífurlegra vinsælda hér á landi og er í uppsetningunni lögð áhersla kraftmikinn og líflegan flutning.
Djöflaeyjan í Breiðumýri
Leikdeild ungmennafélagsins Eflingar í samstarfi við framhaldsskólann á Laugum frumsýndi þann 5. apríl sl. leikritið Þar sem djöflaeyjan rís í leikgerð Kjartans Ragnarssonar í gær. Sýnt í félagsheimilinu Breiðumýri sem er í nágrenni við Lauga í Reykjadal. Leikstjóri er Hörður Benónýsson og tónlistarstjóri Pétur Ingólfsson. Um ljósin sér Jón Arnkelsson og er Elín Kjartansdóttir búningahönnuður […]
Stúdentaleikhúsið sýnir Drottinn blessi blokkina
Þann 9. apríl sl. frumsýndi Stúdentaleikhúsið nýtt íslenskt verk sem ber heitið Drottinn blessi blokkina og er unnið í samvinnu leikhóps og leikstjóra. Sagan gerist, eins og titillinn gefur til kynna, í blokk og segir frá persónu sem skyndilega verður viðskila við förunaut sinn og uppgötvar sjálfstæðan vilja. Það er gluggað í íbúðir og líf […]
Mómó í Þorlákshöfn
Leikfélag Ölfuss frumsýndi fjölskylduleikritið Mómó eða skrítin saga um tímaþjófana og barnið sem frelsaði tímann úr klóm þeirra í leikstjórn Hrundar Ólafsdóttur laugardaginn 5. apríl. Leikritið er byggt á sögu þýska rithöfundarins Michael Ende, þess sama og skrifaði Söguna endalausu, og fjallar um litlu stúlkuna Mómó sem birtist dag einn í rústum gamals hringleikahúss og […]
Barnið frumsýnt í Hafnarfirði
Leikfélag Hafnarfjarðar frumsýnir laugardaginn 12. apríl leikverkið Barnið eftir Edward Albee. Verkið er skrifað í anda absúrd verka fimmta áratugarins, verka Ionesco og Beckett en þó með sterkri tilvísun til stöðu mannsins í nútímanum. Verkið fjallar um stúlkuna og strákinn sem eignast barn og njóta lífsins í fullkomnu sakleysi og án truflana frá hinum ytri […]
Óskað eftir umsóknum á artFart
Samband ungra sviðslistamanna (Sus) lýsir eftir verkum fyrir sviðslistahátíðina artFart 3 sem haldin verður í ágúst 2008. Sviðlistahátíðin artFart 3 er tilraun sem hófst árið 2006. artFart 3 er vettvangur fyrir framúrstefnu og tilraunamennsku í íslenskri sviðslist. Við leitum að listamönnum sem hafa eitthvað að segja um samfélagið sem við lifum í og eru tilbúin […]