Hugleikur frumsýnir Spilaborgir
Nýtt íslenskt leikrit, Spilaborgir, verður frumsýnt í húsnæði Hugleiks, Eyjarslóð 9, sunnudaginn 28. apríl. Hvað gerist þegar ungur kolbítur finnur tösku fulla af peningum ásamt absinthe-flösku og illa kveðnu ljóði? Um afleiðingarnar þess fjallar Spilaborgir. Höfundur er Ásta Gísladóttir, annar ritstjóra menningartímaritsins Spássíunnar. Hún hefur áður tekið þátt í leikritun fyrir Hugleik, en þreytir nú […]
Sólheimaleikhúsið sýnir Skilaboðaskjóðuna
Sumardaginn fyrsta frumsdýndi Sólheimaleikhúsið fjölskylduleikritið Skilaboðaskjóðunni eftir Þorvald Þorsteinsson. Leikstjórinn er Lilja Nótt Þórarinsdóttir leikkona sem útskrifaðist frá Leiklistarskólanum 2009 og hefur síðan starfað hjá Þjóðleikhúsinu og sett upp eigin sýningar, nú síðast leikstýrði hún leikritinu Þrek og Tár á Selfossi. Skilaboðaskjóðan er bráðskemmtilegt og líflegt barnaleikrit með fallegum boðskap.
Síðustu sýningar á Nú er himneska sumarið komið
Föstudaginn 26. og sunnudaginn 28. apríl verða síðustu sýningarnar á verkinu Nú er himneska sumarið komið eftir Sigtrygg Magnason í Dillonshúsi á Árbæjarsafni. Leikstjóri er Una Þorleifsdóttir og leikarar eru Hjalti Rögnvaldsson og Svandís Dóra Einarsdóttir. Agnieszka Baranowska hannar búninga. Umfjöllunarefnið er ást langömmu og langafa höfundar, sem náði út yfir gröf og dauða. Hún […]
Leikfélag Sauðákróks sýnir Tifar tímans hjól
Í Sæluviku frumsýnir Leikfélag Sauðárkróks glænýtt frumsamið leikverk í fullri lengd eftir Guðbrand Ægi Ásbjörnsson og Árna Gunnarsson með lögum eftir Geirmund Valtýsson. Leikstjóri er Guðbrandur Ægir Ásbjörnsson. Leikverkið verður frumsýnt á Sæluviku Skagfirðinga 28. apríl 2013.
Píslavottar án hæfileika í Tjarnabíói
Sænski leikhópurinn PotatoPotato frá Malmö leikritið Píslavotta án hæfileika í Tjarnarbíói dagana 25., 26. og 27. apríl. Terroristaklúbburinn er hljómsveit, ákall um breytingar, vilji til að varpa ljósi á það sem hefur verið hulið, þyrnir í augum, fagurfræðileg ákvörðun, tónlúppa og drifkraftur. Hljómsveitarmeðlimir fara út í beinar aðgerðir, semja lög, lesa um frelsishetjur og fá innblástur […]
Allrasíðasta sýning á Gutta og félögum
Sýning Leikfélags Kópavogs á Gutta og félögum hefur gengið fádæma vel og uppselt á hverja einustu sýningu. Nú eru þó síðustu forvöð að sjá prakkkarann Gutta og félaga hans því allrasíðasta sýning verður sunnudaginn 21. apríl kl. 14.00.
Leikfélag Vestmannaeyja sýnir Grease
Um þessar mundir er Leikfélag Vestmannaeyja að sýna söngleikinn Grease í leikstjórn Ágústu Skúladóttur. Frumsýnt var fimmtudaginn 28. mars og hefur verið uppselt á allar sýningar síðan. Sannarlega má segja að algert Grease æði hafi brotist út í Eyjum sem og víðar, en einnig er verið að setja söngleikinn upp á Hornafirði. Hafa móttökur leikhúsgesta […]
Nýjustu fréttir á Norðurpólnum
Í sumar mun Norðurpóllinn leikhús missa húsnæði sitt. Eitthvað annað gott mun örugglega koma út úr því. Hópurinn mun halda ótrauður áfram að styðja við og skapa list á Íslandi. Ef þig langar að koma í eitt síðasta skiptið í leikhúsið þá erum við með góðar fréttir, nefnilega Nýjustu Fréttir. Nýjustu fréttir var frumsýnt í […]
Brúðuloftið og Gilitrutt – bók, sýning og nýtt leikhús
Brúðuheimar fagna opnun á nýju leiksviði, Brúðuloftinu,sem er staðsett í aðalbyggingu Þjóðleikhússins. Brúðuheimar hafa átt frábært og farsælt samstarf við Þjóðleikhúsið til margra ára og nú er svo komið að Þjóðleikhúsið hefur boðið Brúðuheimum leiksvið sem bar heitið Leikhúsloftið til afnota og munu Brúðuheimar halda úti leikhúsi sínu þar næstu misserin, undir heitinu Brúðuloftið. Í tilefni opnunar […]
Yggdrasil frumsýnir Tjaldið
Fimmtudaginn 11. apríl frumsýnir Yggdrasil, leikfélag VMA, leikritið Tjaldið eftir Hallgrím Helgason í Rósenborg á Akureyri. Leikritið er hluti af Þjóðleik sem er leiklistarhátíð ungs fólks sem haldin er annað hvert ár á landsbyggðinni. Þekkt íslensk leikskáld eru fengin til að skrifa krefjandi og spennandi verk fyrir 13-20 ára leikara sem svo eru sett upp […]
Frumsýning á Englum alheimins 20. apríl
Þann 20. apríl mun Þjóðleikhúsið frumsýna á Stóra sviðinu Engla alheimsins eftir Einar Má Guðmundsson í nýrri leikgerð Þorleifar Arnar Arnarssonar og Símons Birgissonar. Englar alheimsins er ein ástælasta skáldsaga síðari ára og hafa bæði kvikmyndin og skáldsagan notið fádæma vinsælda. Ljóst er að margir bíða leikgerðarinnar með eftirvæntingu en um leið og forsala hófst […]
Kvennafræðarinn frumsýnt 18. apríl
Hver er ekki forvitin um kvennlíkamann? Þann 18. apríl mun Þjóðleikhúsið frumsýna eldfjörugt og sprenghlægilegt verk, Kvennafræðarann í leikstjórn Charlotte Böving í Kassanum. Höfundurinn, Kamilla Wargo Brekling, byggir leikritið á bókinni „Kvinde kend din krop“. Bókin kom fyrst út í Dannmörku árið 1975 og vakti strax mikla athygli með hispurslausri umfjöllun um konur, líkama þeirra, […]
Grease á Höfn
Leikfélag Hornafjarðar og Framhaldsskólinn í Austur Skaftafellssýslu setja í sameiningu upp söngleikinn Grease í samstarfi við Tónskóla Hornafjarðar og frumsýna laugdagin 13. apríl. Flestir landsmenn þekkja söngleikinn Grease en hann er löngu orðinn heimsfrægur. Svo skemmtilega vill til að auk þess að vera settur upp á Höfn þá er nú unnið að uppsetningu verksins í […]
Sjóræningjaprinsessan í Hafnarfirði
Leikfélag Hafnarfjarðar frumsýnir laugardaginn 6. apríl barna- og fjölskylduleikritið Sjóræningjaprinsessuna eftir Ármann Guðmundsson, einn af meðlimum Ljótu hálfvitanna, en hann semur einnig tónlistina ásamt Guðmundi Svafarssyni. Söngtextar eru eftir Ármann og Sævar Sigurgeirsson. Leikstjóri er Lárus Vilhjálmsson og er leikritið sýnt í Gaflaraleikhúsinu við Víkingastræti.
Aukasýningar á Gutta um helgina
Tvær aukasýningar verða á Gutta og félögum hjá Leikfélagi Kópavogs nú um helgina. Þegar er uppselt á sýningu sun. 7. apríl og miðum fer óðum fækkkandi lau. 6. apríl. Uppselt hefur verið á allar sýningar frá byrjun. Gutti og félagar er byggt á Guttavísum og fleiri kvæðum Stefáns Jónssonar. Flestir sem komnir eru á fullorðinsár þekkja vísurnar […]
Stúdentaleikhúsið sýnir AUKA
Stúdentaleikhúsið frumsýndi frumsamda leikverkið AUKA fimmtudaginn 4. apríl í Norðurpólnum. Leikstjórn er í höndum Bjartmars Þórðarsonar en undir stjórn hans hefur hópurinn sem skipaður er ungu og efnilegu sviðslistafólki skapað kraftmikla og gamansama spunasýningu þar sem farið er út fyrir öll mörk og áhorfendum er ögrað. Ekki aðeins af efnistökum leikritsins heldur einnig af nálægð […]
Allra síðasta sýning á Homo Erectus
Lokasýning Pörupilta á uppistandinu Homo Erectus verður sýnd í Þjóðleikhúskjallaranum föstudaginn 5. apríl. Sýningin var sýnd fyrir fullu húsi sl. vetur, sem fyrri hluti sýningarinnar Uppnáms þar sem tvíeykið Viggó og Víóletta stigu á stokk eftir hlé. En nú hafa Pörupiltar unnið uppistandið Homo Erectus áfram. Uppistandið er lengra, fyndnara og fræðilegra – fjallkonan hefur bæst […]
Leikfélögin í Fjallabyggð sýna nýtt íslenskt leikrit
Þann áttunda mars sl. frumsýndu Leikfélögin á Ólafsfirði og Siglufirði nýtt íslenskt leikrit, Stöngin inn!, í Menningarhúsinu Tjarnarborg í Ólafsfirði. Höfundur og leikstjóri er Guðmundur Ólafsson. Þegar hafa verið fimm sýningar við feikigóðar viðtökur. Næsta sýning verður á Skírdagskvöld 28. mars. Þetta er fyrsta sameiginlega leiksýning leikfélaganna tveggja í Fjallabyggð og fyrsta skrefið í að […]
Núna! – Þrjú ný íslensk verk frumsýnd
Í fyrravetur fékk Borgarleikhúsið sex ung leikskáld til að skrifa stutt verk um íslenskan samtíma. Þrjú þessara verka voru valin til sviðsetningar og verða frumsýnd á Litla sviði Borgarleikhússins fyrsta föstudag eftir páska, 12. apríl kl. 20. Sýningin ber heitið Núna! og samanstendur af verkunum Skríddu eftir Kristínu Eiríksdóttur, Svona er það þá að vera […]
BLAM! frumsýnt á Stóra sviði Borgarleikhússins 3. apríl
BLAM!, nýjasta verk Krisjáns Ingimarssonar, verður frumsýnt á Stóra sviðinu strax eftir páska, miðvikudaginn 3. apríl kl 20. BLAM! er óður til leikgleði og hugrekkis, bræðingur af „Die hard“ og „The Office“, verk án orða þar sem frábærir listamenn (og eldhugar) endasendast um sviðið í stórhættulega fyndnum slagsmálaleik. Sýningin hefur slegið rækilega í gegn í […]
Gúttó – Hlegið hátt og dansað dátt í 40 ár á Ísafirði
Litli leikklúbburinn á Ísafirði frumsýnir söngsýninguna Gúttó – Hlegið hátt og dansað dátt í 40 ár laugardaginn 23. mars kl. 21. Um er að ræða fjöruga söngsýningu þar sem saga Gúttó á Ísafirði er rifjuð á fjörugan hátt í tali og tónum. Andi hljómsveita eins og BG og Ingibjörg, Ásgeir og félagar, Gancia, Villi Barði […]
Sindri silfurfiskur á Akureyri
Leikfélag Akureyrar sýnir hið hugljúfa brúðuleikrit Sindri Silfurfiskur næstu tvær helgar. Þessi sýning hefur fengið margróma lof hvarvetna enda sérstaklega töfrandi og falleg. Í sýningunni er sérstök ljósatækni notuð til þess að skapa undurfallegan neðansjávarheim. Töfrandi kynjadýr hafsins svífa um og hrífa áhorfendur á öllum aldri. Sýningartími er um 40 mínútur.
Makalaus sambúð á Hólmavík
Leikfélag Hólmavíkur frumsýnir gamanleikinn Makalaus sambúð eftir Neil Simon í þýðingu og leikstjórn Ásgeirs Sigurvaldasonar, þann 15. mars í Félagsheimilinu á Hólmavík og hefst sýningin kl. 19.00. Alls eru 8 leikarar og hópur aðstoðarfólks sem taka þátt í verkefninu að þessu sinni. Leikfélagið stefnir að sýningarhaldi á fleiri stöðum en það mun koma betur í […]
Saumastofan í Gnúpverjahreppi
Leikdeild Ungmennafélags Gnúpverja frumsýnir þann 16. mars leikritið Saumastofuna eftir Kjartan Ragnarsson. Verkið var fyrst sett upp af Leikfélagi Reykjavíkur við gífurlegar vinsældir og nú er það komið í Gnúpverjahreppinn. Saumastofan er gamanleikrit með tónlist og söng ásamt dramatísku ívafi. Leikstjóri verksins er Svandís Dóra Einarsdóttir og sýnt er í félagsheimilinu Árnesi.
Hallvarður Súgandi kemur undan feldi
Leikfélagið Hallvarður Súgandi á Suðureyri frumsýnir föstudaginn 15. mars farsann Sex í sveit eftir Marc Camoletti. Leikritið, sem er þýtt og staðfært af Gísla Rúnari Jónssyni, var upphaflega var sýnt í Borgarleikhúsinu við gríðarlega góðar undirtektir og hefur í kjölfarið verið vinsælt viðfangsefni áhugaleikfélaga um land allt. Þetta er fyrsta uppsetningin hjá Hallvarði í 6 […]
Félegt fés frumsýnt á Bolungarvík
Leikfélag Bolungarvíkur frumsýnir farsann Félegt fés eftir Dario Fo, laugardaginn 9. mars í Félagsheimili Bolungaríkur. Þýðinguna gerði Þórarinn Eldjárn en Magnús Guðmundsson leikstýrir. Þetta er önnur sýning Leikfélags Bolungarvíkur eftir að það var endurreist en sl. vetur en þá sýndi það Að eilífu eftir Árna Ibsen. Auk frumsýningar verður Félegt fés sýnt dagana 15., 16., 29, […]
Frumsýning á Kántrý Mos
Föstudaginn 8. mars verður sýningin KÁNTRÝ MOS frumsýnd hjá Leikfélagi Mosfellssveitar. Leikstjóri er Þórunn Lárusdóttir og höfundur María Guðmundsdóttir. Um tónlist sér Birgir Haraldsson ásamt hljómsveit. Þetta er frumraun Þórunnar sem leikstjóri en höfundur verksins hefur samið nokkur verk sem leikfélagið hefur sett á svið. Aðstandendur sýningarinnar og leikarar telja 36 manns.
Aukasýningar á Hjartaspöðum í mars
Gaflaraleikhúsið í samvinnu við Skýjasmiðjuna frumsýndi leikritið Hjartaspaða þann 12. janúar sl. við frábærar undirtektir bæði áhorfenda og gagnrýndenda og komust færri að en vildu. Því hefur fjórum aukasýningum verið bætt við nú í mars, sunnudagana 10. og 17. mars kl. 18 og 20. Leikstjóri sýningarinnar er Ágústa Skúladóttir. Drephlægileg uppátæki gamalmennanna á dvalarheimilinu Grafarbakka […]
Málþing um Kjartan Ragnarsson 4. mars
Mánudaginn 4. mars nk. stendur Leikfélag Reykjavíkur fyrir sínu árlega málþingi sem að þessu sinni fjallar um samtímalistamanninn Kjartan Ragnarsson, leikstjóra, leikskáld, leikara og frumkvöðul. Dagskráin er fjölbreytt, stuttir fyrirlestrar, pallborðsumræður, flutt brot úr leikverkum, tónlistaratriði og upptökur frá uppsetningum Kjartans. Auk listamanna Borgarleikhússins munu KK og hljómsveitin 4 á palli taka þátt í flutningnum. […]
LA frumsýnir Kaktusinn
Leikfélag Akureyrar frumsýnir þann 1. mars Kaktusinn eftir þýska mannréttindalögfræðinginn Juli Zeh. Þetta er ólíkindalegt verk þar sem fjallað er á spaugilegan hátt um ótta, öryggisfíkn, raunveruleika og skáldskap. Það er leikhópur Leikfélags Akureyrar sem fara með öll hlutverk sýningarinnar, enn hann skipa Aðalbjörg Árnadóttir, Anna Gunndís Guðmundsdóttir, Einar Aðalsteinsson og Hannes Óli Ágústsson. Ragnheiður […]
Eyrnalangir og annað fólk á Dalvík
Leikfélag Dalvíkur hefur á undanförnum vikum æft fjölskylduleikritið, Eyrnalangir og annað fólk eftir þær systur, Iðunni og Kristínu Steinsdætur, tónlist er eftir Ragnhildi Gísladóttur. Leikritið gerist á Dalvík í dag og segir frá því þegar flóttamenn frá eyjunni Sebrakapra koma í bæinn með nýja siði og annað útlit en bæjarbúar. Frumsýning verður föstudaginn 8. Mars. […]
Djákninn á Myrká sýndur á Melum
Leikfélag Hörgdæla frumsýnir glænýtt íslenskt verk fimmtudagskvöldið 28. febrúar kl. 20.00 á Melum í Hörgárdal. Verkið er byggt á þjóðsögunni um Djáknann á Myrká og er eftir Jón Gunnar Th. sem jafnframt leikstýrir verkinu. Tónlistin er eftir Skúla Gautason og er samin sérstaklega fyrir þessa sýningu. Þarna er á ferðinni klassísk ástar- og draugasaga sem […]
Bar par í Reykholtsdal
Ungmennafélag Reykdæla frumsýnir 1. mars nk. leikritið Bar par eftir Jim Cartwright. Leikstjóri er Þröstur Guðbjartsson, og er þetta þriðja skiptið í röð sem hann leikstýrir hjá UMFR. Leikendur, sem eru tólf talsins, eru á ýmsum aldri, sá yngsti 10 ára og sá elsti á óræðum aldri. Sumir að taka þátt í sinni fyrstu sýningu, […]
Aukasýning á Gutta og félögum
Vegna mikillar aðsóknar verður aukasýning á Gutta og félögum hjá Leikfélagi Kópavogs, sunnudaginn 3. mars kl. 16.00. Uppselt er á sýningar laugardaginn 2. og 3. mars kl. 14.00. Gutti og félagar er byggt á Guttavísum og fleiri kvæðum Stefáns Jónssonar. Flestir sem komnir eru á fullorðinsár þekkja vísurnar um óþekktarangann Gutta og prakkarastrik hans en Gutti […]
Kardimommubærinn sýndur á Egilsstöðum
Leikfélag Fljótsdalshéraðs og Leikfélag Menntaskólans á Egilsstöðum hafa sameinað krafta sína þennan veturinn og vinna nú að uppsetningu á Kardimommubænum eftir Torbjörn Egner. Leikstjóri sýningarinnar er Gunnar Björn Guðmundsson sem er landsmönnum að góðu kunnur m.a. fyrir leikstjórn kvikmyndanna Gauragangs og Astrópíu auk Áramótaskaupa síðustu fjögurra ára. Gunnar hefur einnig leikstýrt heilmörgum áhugaleiksýningum og setti […]
Með vífið í lúkunum frumsýnt í Hveragerði.
Leikfélag Hveragerðis frumsýnir föstudagskvöldið 1. mars klukkan 20.00 sprenghlægilega farsann Með vífið í lúkunum eftir breska leikskáldið Ray Cooney. Leikritið fjallar um leigubílstjórann Jón Michelsen sem býr bæði á Selfossi og í Hveragerði með tveimur konum, einni á hvorum stað án þess að önnur viti af hinni. Leikarar eru átta en með helstu hlutverk fara […]
Pörupiltar snúa aftur
Pörupiltar ætla að sýna þrjár aukasýningar á Uppistandinu Homo Erectus í Þjóðleikhúskjallaranum í mars. Uppistandið var sýnt sl. vetur við frábærar undirtektir gagnrýnenda og áhorfenda. Pörupiltar eru Alexía Björg Jóhannesdóttir, María Pálsdóttir og Sólveig Guðmundsdóttir. Aðeins verða sýningar, 2. 16. og 23. mars. Húsið er opnað kl. 20.30 og sýningin hefst kl. 21.00.
Karma fyrir fugla frumsýnt 1. mars
Þjóðleikhúsið frumsýnir nýtt íslenskt verk þann 1. mars í Kassanum. Verkið, Karma fyrir fugla, er eftir þær Kristínu Eiríksdóttur og Kari Ósk Grétudóttur sem báðar eru myndlistarmenntaðar. Karma fyrir fugla er í senn ljóðrænt og sálfræðilegt verk um afleiðingar ofbeldis, heljartök fortíðarinnar á sálinni, ranglæti og fegurð. Leikstjóri er Kristín Jóhannesdóttir en hún hefur á […]
Gutti og félagar – sögu vil ég segja stutta
Nýtt íslenskt barnaleikrit, Gutti og félagar, byggt m.a. á Guttavísum Stefáns Jónssonar, verður frumsýnt föstudaginn 22. febrúar næstkomandi hjá Leikfélagi Kópavogs. Verkið er eftir Örn Alexandersson en hann er jafnframt leikstjóri. Flestir sem komnir eru á fullorðinsár þekkja vísurnar um óþekktarangann Gutta og prakkarastrik hans en Gutti er einmitt aðalpersónan í leiksýningunni ásamt félögum sínum […]
Kómedíuleikhúsið sýnir leikrit um Sigvalda Kaldalóns
Kómedíuleikhúsið frumsýnir nýtt íslenskt leikrit, Sigvaldi Kaldalóns, í Hömrum á Ísafirði á föstudag. Hér er á ferðinni leikverk sem fjallar um ár Sigvalda í Djúpinu fyrir vestan. Þar dvaldi hann í ein ellefu ár sem læknir. Þrátt fyrir mikið annríki í hinu afskekkta en víðferma læknishéraði gaf hann sér tíma til að semja lög. Á […]