Aukasýning á Róðaríi
Leiksýningin Róðarí hefur fengið góðar móttökur og því hefur verið bætt við einni aukasýningu, en sú verður sú síðasta á leikritinu að þessu sinni. Sýningin verður í Tjarnarbíói laugardaginn 8. nóvember, kl. 20:00.
Bláskjár á ensku í Borgarleikhúsinu
Borgarleikhúsið fetar í forspor erlendra leikhúsa með því að sinna enskumælandi áhorfendum með textuðum sýningum. Þriðjudaginn 11. nóv verður sýningin Bláskjár þýddur á enskan texta sem varpað verður á vegg leikmyndar. Bláskjár Tyrfing Tyrfingssonar var frumsýnt á síðasta leikári og hefur sannarlega slegið í gegn því margar aukasýningar hafa bæst við. Bláskjár er íslenskt gamandrama, […]
Draugaveiðar í Hafnarfirði
Göngum aftur hópurinn leitar að draugum og öðrum verum að handan. Draugaleit gefur þátttakendum tækifæri á að taka þátt í rannsóknum á yfirnáttúrulegum hlutum íöruggri umsjón Göngum aftur. Við skipuleggjum draugagöngur í ýmsum híbýlum í Hafnarfirði sem þekkt eru fyrir draugagang, við leitum að þeim verum sem ásækja þessar vistarverur og notum til þess hina […]
Næstu sýningar á Enginn með Steindóri
Leikfélag Ölfuss frumsýndi leikritið Enginn með Steindóri eftir Nínu Björk Jónsdóttur í leikstjórn Don Ellione fyrir fullu húsi síðastliðinn laugardag 25. október. Áhorfendur skemmtu sér konunglega og miðasalan er í fullum gangi. Leikstjóri er F. Elli Hafliðason.
Opinn samlestur á Dúkkuheimili
Nú gefst áhugafólki um leikhús tækifæri til að koma á opinn samlestur í Borgarleikhúsinu. Verkið Dúkkuheimili eftir Henrik Ibsen verður leiklesið mánudagsmorguninn 3. nóvember kl 10. Þetta er liður í því að opna leikhúsið og skapa skemmtilegan formála að væntanlegum sýningum. Fyrsta skrefið í æfingum leikrita er svokallaður samlestur. Þá kemur starfsfólk saman, ásamt listrænum […]
Jólasýning Borgarbarna er Mamma Gjé
Jólasýning Borgarbarna árið 2014 heitir Mamma Gjé. Þetta er níunda árið sem Borgarbörn setja upp jólasöngleik sem ætlaður er öllum aldurhópum og stílað er inn á fjölskylduskemmtun. Þessi skemmtilegi jólasöngleikur inniheldur fjölmörg vinsæl erlend lög í íslenskum búningi, óvæntar uppákomur og kraftmikla dansa. Leikstjóri og höfundur handrits er Erla Ruth Harðardóttir og henni til aðstoðar […]
Narfi í Þjóðleikhúskjallaranum
Þriðjudagskvöldið 28. október klukkan 20 flytur Árni Kristjánsson, leikstjóri og leikritahöfundur, frumsaminn einleik um Narfa eitt fyrsta leikrit Íslendinga. Verk Árna er í fyrirlestrarformi og er samið til heiðurs Sveini Einarssyni sem fagnaði áttatíu ára afmæli sínu í ár. Aðgangur er ókeypis og aðeins stefnt að einni sýningu.
Síðasta sýning á Róðaríi
Nú er aðeins ein sýning eftir á leikritinu Róðarí eftir Hrund Ólafsdóttur, sem sýnt er í Tjarnarbíói. Verkið, sem tekur á viðkvæmu málefni, samskiptum innan fjölskyldunnar í skugga áfalla í fortíðinni, hefur verið lofuð jafnt af gagnrýnendum sem almennum áhorfendum. Lokasýning verður 30. október og hefst klukkan 20.00. Leikstjóri er Erling Jóhannesson.
Vinnslan frumsýnir sitt fyrsta leikverk
Í Strengjum blandar Vinnslan saman listformum og setur upp verk sem fjallar um sjálft vinnuferlið. Hvaðan kemur efniviðurinn? Er einlægnina að finna bakvið tjöldin? Kemur sannleikurinn í ljós? Er sannleikurinn yfir höfuð áhugaverður? Sýningin er frumsýnd í Tjarnarbíói í kvöld, fimmtudag, kl. 20:00.
Beint í æð í Borgarleikhúsinu
Föstudaginn 31. október frumsýnir Borgarleikhúsið á stóra sviðinu farsann Beint í æð eftir Ray Cooney. Hilmir Snær Guðnason fer með aðalhlutverkið en leikstjórn er í höndum Halldóru Geirharðsdóttur. Hlátrasköll hafa borist af æfingum síðustu mánuði og er nokkuð víst að um mikla gleðisprengju er að ræða.
Leikfélag Rangæinga æfir Fullkomið brúðkaup
Leikfélag Rangæinga æfir nú af kappi breska farsann Fullkomið brúðkaup eftir Robin Hawdon í þýðingu Arnar Árnasonar. Leikstjóri er Ármann Guðmundsson og er þetta í annað skiptið sem hann leikstýrir hjá félaginu en hann leikstýrði einnig Góðverkin kalla á síðasta leikári. Frumsýnt verður 7. nóvember í Hellubíói á Hellu.
Leikfélag Kópavogs frumsýnir Elskhugann
Leikfélag Kópavogs frumsýnir Elskhugann eftir Harold Pinter sunnudaginn 26. okt. kl. 20.00. Harold Pinter er eitt af áhrifamestu leikskáldum samtímans og vann Nóbelsverðlaunin í bókmenntum árið 2005. Eins og mörg verka hans er Elskhuginn margslungið verk. Það fjallar um samband hjóna sem lifa óvenjulegu hjónabandi svo ekki sé meira sagt og hefur af sumum verið […]
Aukasýningar á Emil á Sauðárkróki
Uppselt á 4 sýningar í röð – 3 aukasýningar Bætt hefur verið við þremur aukasýningum á Emil í Kattholti en uppselt hefur verið á fimm sýningar af átta. Leikfélag Sauðárkróks þakkar góðar viðtökur. Aukasýningar verða föstudag, laugardag og sunnudag.
Leikfélag Ölfuss frumsýnir Enginn með Steindóri
Leikfélag Ölfuss frumsýnir leikritið Enginn með Steindóri eftir Nínu Björk Jónsdóttur laugardagskvöldið 25. október kl. 20:00. Leikstjóri er F. Elli Hafliðason. Leikarar í sýningunni eru þau Aðalsteinn Jóhannsson, Axel Bergmann Sigurðsson, Árný Leifsdóttir, Benjamín Hallbjörnsson, Erla Dan Jónsdóttir, Hilmar Kristberg Jónsson, Jónheiður Ísleifsdóttir, Oddfreyja H. Oddfreysdóttir og Ólöf Þóra Þorkelsdóttir. Sýnt verður í Ráðhúsinu í […]
Brúðkaup í Fjallabyggð
Leikfélag Fjallabyggðar frumsýnir gamanleikinn Brúðkaup eftir Guðmund Ólafsson föstudaginn 17. október kl. 20.00 í Menningarhúsi Fjallabyggðar, Tjarnarborg. Guðmundur er einnig leikstjóri verksins. Síðasta verk Leikfélags Fjallabyggðar, Stöngin inn, var valin athyglisverðasta áhugaleiksýning leikársins 2012-13 en það verk var líka skrifað og leikstýrt af Guðmundi Ólafssyni.
Rommí á Bíldudal
Leikfélagið Baldur á Bíldudal vaknar úr nokkurra ára dvala núna á laugardag. Þá mun félagið frumsýna ameríska stykkið Rommí. Í aðalhlutverkum eru tveir af burðarásum félagsins í gegnum árin Hannes Friðriksson og Þuríður Sigurmundsdóttir. Bæði hafa þau starfað ötulega með félaginu síðustu áratugi. Hér er á ferðinni bráðhress gamanleikur en þó með alvarlegum undirtón.
Hundur í óskilum sýnir Öldina okkar
Félagarnir Eiríkur Stephensen og Hjörleifur Hjartarson í hljómsveitinni Hundur í Óskilum voru farnir að gæla við þá hugmynd að setja á svið gríðarstórt sjóv með 20 dönsurum og leikurum í tilefni af 20 ára afmæli sveitarinnar. Þeir neyddust hins vegar til að sníða sér stakk eftir vexti og nú trana þeir engum öðrum fram en sjálfum sér (enn […]
Óperan Don Carlo í fyrsta sinn á Íslandi
Óperan Don Carlo verður frumsýnd í Íslensku óperunni í Hörpu næstkomandi laugardag. Í aðalhlutverkum í þessu mikilfenglega stórvirki Giuseppe Verdi eru Jóhann Friðgeir Valdimarsson í titilhlutverkinu, Kristinn Sigmundsson í hlutverki Filippusar konungs, Hanna Dóra Sturludóttir í hlutverki Eboli prinsessu, Helga Rós Indriðadóttir í hlutverki Elisabettu drottningar og Oddur Arnþór Jónsson í hlutverki Rodrigo, en þau […]
Verksmiðjukrónikan frumsýnd á Melum
Leikfélag Hörgdæla frumsýnir þann 16. október leikritið Verksmiðjukrónikan eftir Stefaníu Elísabetu Hallbjörnsdóttur og Sögu Jónsdóttur. Leikritið gerist á Akureyri um 1940. Verkafólk á verksmiðjunum stendur í verkfallsbaráttu, bretar eru komnir og miklar breytingar verða í bænum.
Lífið, drullumall fyrir alla fjölskylduna
Lífið er stórskemmtilegt drullumall á mörkum leikhúss og myndlistar fyrir alla fjölskylduna. Leikhúsið 10 fingur, sem stendur að þessari sýningu, setti upp verðlaunasýninguna Skrímslið litla systir mín og hlaut Grímuverðlaunin sem besta barnasýning ársins 2012. Lífið verður frumsýnt í 18. október í Tjarnarbíó.
Karitas, frumsýning 17. okt.
Þjóðleikhúsið frumsýnir þann 17. október á Stóra sviðinu nýtt leikrit byggt á skáldsögum Kristínar Marju Baldursdóttur um listakonuna Karitas í leikstjórn Hörpu Arnardóttur. Skáldsögur Kristínar Marju, Karitas án titils og Óreiða á striga, hafa notið mikilla vinsælda og óhætt er að segja að sýningarinnar hafi verið beðið með mikilli eftirvæntingu og hefur nú þegar þurft […]
Eldklerkurinn snýr aftur
Til að róa huga borgarbúa í ljósi eldsumbrota á miðhálendinu mun Eldklerkurinn snúa aftur í Tjarnarbíó í október. Eldklerkurinn er einleikur um séra Jón Steingrímsson og Skaftárelda, í uppsetningu Möguleikhússins. Leikritið var sýnt í Hallgrímskirkju og Tjarnarbíói síðasta vetur og naut mikilla vinsælda. Í framhaldinu ferðaðist Möguleikhúsið með verkið um landið og sýndi víða. Verkið verður aðeins sýnt […]
Námskeið fyrir innflytjendur
Á leikárinu 2014 – 2015 mun sviðslistahópurinn við og við standa fyrir leiklistarnámskeiði í Borgarleikhúsinu. Kennsla fer fram á ensku en lögð er áhersla á tjáningu án orða og er fólk af erlendum uppruna, gestir og innflytjendur, sérstaklega velkomið.
Umbreyting, tvær aukasýningar
Bernd Ogrodnik brúðulistamaður hefur farið víða um heim með sýningu sína Umbreytingu eftir að hún var sýnd hér á landi við frábærar viðtökur á Listahátíð árið 2006. Nú er tækifæri til að sjá sýninguna áður en hún heldur í heimsreisu!! Bernd hefur farið víða um heim með sýninguna frá 2006. Mikið hefur verið spurt eftir […]
Leikfélag Sauðárkróks sýnir Emil í Kattholti
Í ár eru 30 ár síðan Leikfélag Sauðárkróks sýndi fyrst barnaleikrit, en í desember árið 1984 setti félagið upp Galdrakarlinn í Oz. Frá árinu 2000 hafa barnasýningar verið á dagskrá hjá félaginu að hausti til. Á þessu hausti setur félagið upp Emil í Kattholti. Strákhnokkinn Emil er kunnur fyrir uppátæki sín og iðulega sendur í […]
Ronja í Mosfellsbæ
Leikfélag Mosfellssveitar frumsýndi söngleikinn Ronja ræningjadóttir þann 27. september s.l. Sagan er eftir Astrid Lindgren, þýðandi er Þorleifur Hauksson og tónlist er eftir ýmsa aðila og einnig frumsamin. Leikstjóri er Agnes Wild, tónlistarstjóri er Sigrún Harðardóttir, leikmynd og búninga sér Eva Björg Harðardóttir um. Sagan af Ronju Ræningjadóttur gerist í Matthíasarskógi þar sem ræningjaforinginn Matthías […]
Hugleikur til Belgíu 2015
Alþjóðlega áhugaleikhúsráðið, IATA, stendur fyrir leiklistarhátíðum víða um heim á tveggja ára fresti. Sú næsta verður í Westouter í Belgíu árið 2015. Umsóknarfrestur til að fara með sýningu á hátíðina rann út 25. september og sóttu tvö leikfélög um. Stjórn Bandalagsins skipaði nefnd til að velja á milli sýninganna og skilaði hún af sér í […]
All Change Festival í Reykjavík
All Change Festival er sviðslistahátíð sem fer fram í Tjarnarbíói 4. og 5. október og beinir sjónum að ólíkri sköpun leiksýninga og spyr: „hvað er leikrit?“ Hátíðin byggir á alþjóðlegu samstarfi leikhúslistamanna en All Change Festival fer fram á sama tíma í Reykjavík, London, Augsburg, New York og New Orleans. All Change Festival er hluti […]
Stuttverkahátíð NEATA
NEATA stuttverkahátíðin verður haldin í Leikhúsinu að Funalind 2 í Kópavogi laugardaginn 4. október. Hátíðin hefst kl. 13.00 og endar á sameiginlegum hátíðarkvöldverði í Hlégarði í Mosfellsbæ. Á hátíðinni verða sýnd 15 stuttverk frá 3 upp í 15 mín. að lengd. Þegar sýningum lýkur sjá Sigriður Lára Sigurjónsdóttir og Karl Ágúst Úlfsson um gagnrýni […]
Menn eru ekki hættir að gefa út bækur
Í ljósi nýjustu frétta mætti ætla að bókaútgáfa væri hverfandi fyrirbæri hér á landi. En þó er alltaf einhver sem stekkur til í ævintýrið og nú hefur Kómedíuleikhúsið sett sig í útgáfustellingar. Tilefnið er kennslubókin Leikræn tjáning eftir Elfar Loga Hannesson, leikara. Til að ævintýrið gangi hefur útgefandi hafið sérstaka söfnun fyrir útgáfunni á Karolina […]
Brúðkaup eftir Guðmund Ólafsson
Æfingar eru hafnar að nýju hjá Leikfélagi Fjallabyggðar á verkinu Brúðkaup sem er samið af Guðmundi Ólafssyni sem jafnframt leikstýrir verkinu. Um er að ræða fyrsta verk Leikfélags Fjallabyggðar þar sem Leikfélag Ólafsfjarðar og Leikfélag Siglufjarðar sameinuðust formlega í Leikfélag Fjallabyggðar 12. júlí 2013. Áður unnu félögin saman af mikilli prýði að uppsetningu á verkinu […]
Skálmöld snýr aftur í Borgarleikhúsið
Þungarokkararnir í Skálmöld ætla aftur að henda leikmyndunum út af Stóra sviði Borgarleikhússins eins og í fyrra en þeir sýndu sex sýningar fyrir troðfullu húsi. Eins og þá rífa þeir göt á búninga leikarana og hækka í Marshall mögnurunum. Skálmöld og listafólk Borgarleikhússins taka höndum saman og magna upp norrænan seið með vænum skammti af […]
Námskeið í leikhúslýsingu
Benedikt Axelsson ljósameistari mun halda námskeið í leikhúslýsingu helgina 25. og 26. okt. nk. kl. 10.00 – 15 eða 16 báða dagana. Námskeiðið hentar öllum sem vilja kynna sér betur hvernig ljós, lýsing og önnur leikhústækni virkar. Leikstjórar, tæknimenn, stjórnir leikfélaga og leikarinn sjálfur geta lært heilmikið sér til gagns ekki síður en þeir sem […]
Gaukar, frumsýning í Borgarleikhúsinu
Föstudaginn 26. september kl. 20.00 verður frumsýnt á Nýja sviði Borgarleikhússins verkið Gaukar eftir Huldar Breiðfjörð í leikstjórn Jón Páls Eyjólfssonar. Huldar Breiðfjörð sló í gegn með bók sinni Góðir Íslendingar. Hann er þekktur fyrir næma sýn á mannfólkið og sér í lagi Íslendinga. Huldar nálgast fólk af hlýju en húmorinn er aldrei langt undan. […]
“Við erum kannski glæpamenn ..
.. en við erum alla vega ekki óheiðarlegir“ Fimmtudaginn 25. september frumsýnir Borgarleikhúsið verkið Kenneth Máni. Kenneth, sem er góðkunningi lögreglunnar og sló í gegn í Fangavaktinni, útskýrir lífið og tilveruna. Björn Thors fer á kostum í hlutverki Kenneth og er leikstjórn í höndum Bergs Þórs Ingólfssonar. Verkið sömdu Jóhann Ævar Grímsson, Saga Garðarsdóttir og […]
Leikfélag Hörgdæla æfir nýtt íslenskt leikrit
Leikfélag Hörgdæla æfir nú af fullum krafti leikritið Verksmiðjukrónikan eftir Stefaníu Elísabetu Hallbjörnsdóttur og Sögu Jónsdóttur. Leikritið gerist á Akureyri um 1940. Verkafólk á verksmiðjunum stendur í verkfallsbaráttu, bretar eru komnir og miklar breytingar verða í bænum. Karlmenn eru uggandi yfir þeim áhrifum sem hermenn hafa t.d. á ungu stúlkurnar og bretaþvottur er ekki öllum […]
Enginn með Steindóri í Þorlákshöfn
Leikfélag Ölfuss hefur hafið æfingar á verkinu Enginn með Steindóri eftir Nínu Björk Jónsdóttur. Leikstjóri er F. Elli Hafliðason. Upphaflega var stefnt á að setja upp nýtt íslenskt leikrit, Einn rjúkandi kaffibolla, eftir heimamanninn Aðalstein Jóhannsson en því miður tókst ekki að fá nógu marga karlmenn til að leika í þetta sinn en karlmannsleysi hefur […]
Konan við 1000° í Þjóðleikhúsinu
Þjóðleikhúsið frumsýnir þann 26. september í Kassanum nýtt leikrit eftir Hallgrím Helgason í leikstjórn Unu Þorleifsdóttur. Skáldsaga Hallgríms Helgasonar Konan við 1000° vakti á sínum tíma mikla athygli og var tilnefnd til Íslensku bókmenntaverðlaunanna og Bókmenntaverðlauna Norðurlandaráðs. Hún hefur nú verið þýdd á níu tungumál og hvarvetna hlotið góða dóma og viðtökur.
Fyrsta Uppspretta vetrarins í Tjarnarbíói
Popup-leikhúsið Uppsprettan verður haldið fjórum sinnum í Tjarnarbíói í vetur og sú fyrsta verður mánudagskvöldið 22. september næstkomandi. Uppsprettan gengur þannig fyrir sig að höfundar senda inn stuttverk sem aldrei hefur verið flutt áður. Sex manna dómnefnd fer svo yfir handritin og velur þrjú bestu handritin. Sólarhring fyrir frumflutning fá leikstjórar handritin í hendur.
Fréttir frá Leikfélagi Fljótsdalshéraðs
Leikfélag Fljótsdalshéraðs undirbýr sýningar á Þið munið hann Jörund í Valaskjálf. Æfingar hefjast í septemberlok og sýningar um miðjan nóvember. Þetta er sextugasta verkefni LF og leikstjóri verður Halldóra Malin Pétursdóttir.