Leikdeild UMF Biskups- tungna æfir Blessað barnalán
Nú standa yfir æfingar á leikritinu Blessað Barnalán eftir Kjartan Ragnarsson hjá Leikdeild ungmennafélags Biskupstungna. Leikstjórn er í höndum Gunnar Björns Guðmundssonar en hann leikstýrði einnig síðasta verki leikdeildarinnar, Góðverkin kalla eftir Ármann Guðmundsson Sævar Sigurgeirsson og Þorgeir Tryggvasson, sem fékk mjög góða dóma og mikla aðsókn. Blessað barnalán segir frá Þorgerði, eldri konu […]
Maríubjallan frumsýnd hjá LA
Fimmtudaginn 16. febrúar verður leikritið Maríubjallan frumsýnt í Rýminu, nýju leikhúsi Leikfélags Akureyrar. Maríubjallan er kraftmikið og magnað nútímaverk eftir Vassily Sigarev. Leikritið er sýnt í Rýminu sem er nýtt leikhús Leikfélags Akureyrar sem kemur til viðbótar við starfsemi leikhússins í Samkomuhúsinu. Rýmið, sem er til húsa að Hafnarstræti 73, er svartur kassi og þar […]
Glæpir og góðverk
Nú eru að hefjast sýningar hjá leikfélaginu Snúður og Snælda á leikritinu „Glæpir og Góðverk” sem er gamansamur krimmi. Leikritið er byggt á verki Anton Delmer, Don´t utter a note, þýtt og staðfært af Sigrúnu Valbergsdóttur. Leikstjóri er Bjarni Ingvarsson. Frumsýnt verður sunnudaginn 12. feb. kl. 14.00. Sýningar verða alla sunnudaga og miðvikudaga kl. 14.00 […]
Stuttverkahátíðin Margt smátt – Opið fyrir umsóknir
Stuttverkahátíðin Margt smátt verður haldin í Borgarleikhúsinu 5. maí 2006 í tengslum við aðalfund Bandalags íslenskra leikfélaga sem haldinn verður í Félagsheimili Seltjarnarness 6. og 7. maí 2006. Hátíðin er opin öllum aðildarfélögum Bandalags íslenskra leikfélaga. Umsóknareyðublöð eru nú tiltæk hér vefnum.
Ronja Ræningjadóttir frumsýnd í Borgarleikhúsinu
Leikritið um Ronju Ræningjadóttur verður frumsýnt á Stóra sviði Borgarleikhússins næstkomandi sunnudag, 12. febrúar. Sagan um Ronju er eftir Astrid Lindgren og segir frá ræningjadótturinni sem býr með foreldrum sínum og ræningjahópi í Matthíasarskógi. Leikstjóri er Sigrún Edda Björnsdóttir, sem fór með hlutverk Ronju þegar leikritið var síðast sýnt í Borgarleikhúsinu, fyrir tólf árum síðan.
Æfingar hafnar á Átta konum
Í Þjóðleikhúsinu hófust æfingar nú í vikunni á leikritinu Átta konur eftir Robert Thomas. Leikstjóri er Edda Heiðrún Backman en verkið verður frumsýnt á Stóra sviðinu í lok mars. Fögur eiginkona, tvær ungar og óstýrilátar dætur, aðþrengd mágkona, gráðug tengdamamma, dularfull ráðskona og kynþokkafull þjónustustúlka. Húsbóndinn sjálfur liggur sofandi í rúmi sínu uppi á lofti. […]
Þetta mánaðarlega í Þjóðleikhúskjallaranum
Hugleikur verður með febrúarútgáfu sína af Þessu mánaðarlega í Þjóðleikhúskjallaranum miðvikudagskvöldið, 8. febrúar. Í þetta skiptið er dagskráin að mestu á þjóðlegum nótum, í tilefni þorrans, en þjóðararfurinn hefur reyndar lengi verið mikilvægt viðfangsefni félagsins, og skilgreiningin á því bísna víð.
Harold Pinter á Stóra sviði Þjóðleikhússins í vor
Af óviðráðanlegum orsökum getur ekki orðið af sýningu leikstjórans og myndlistarmannsins Christophs Schlingensiefs, Ragnarökum 2010, í Þjóðleikhúsinu á Listahátíð í vor. Því hefur verið ákveðið að taka til sýningar nýjasta verk Harolds Pinters, Celebration. Undirbúningur fyrir Ragnarök 2010 hefur staðið í um hálft ár, en í síðustu viku tilkynnti Schlingensief leikhúsinu að af samvinnu gæti […]
Tíu þúsundasti gesturinn
Leiksýningin Fullkomið brúðkaup hefur notið fádæma vinsælda frá því hún var frumsýnd hjá Leikfélagi Akureyrar í lok október. Troðfullt hefur verið á allar sýningar og til að mæta eftirspurn hefur fjölda aukasýninga verið bætt við sem allar hafa selst upp jafn óðum. Nú á laugardag mun tíu þúsundasti gesturinn sjá sýninguna sem er orðin sú […]
Margt smátt í Borgarleikhúsinu
Margt smátt, stuttverkahátíð Bandalags íslenskra leikfélaga, verður haldin í Borgarleikhúsinu föstudaginn 5. maí nk. kl. 20:00 í tengslum við aðalfund Bandalagsins sem haldinn verður í Félagsheimili Seltjarnarness 6. og 7. maí.
Öskubuska frumsýnd 5. febrúar
Íslenska Óperan frumsýnir sunnudaginn 5. febrúar Öskubusku eftir ítalska tónskáldið Gioacchino Rossini við texta eftir Jacopo Ferretti. Öskubuska er reglulega á fjölum helstu óperuhúsa víðsvegar um heiminn, en þetta er í fyrsta skipti sem hún er sett upp hér á landi. Leikstjóri er Paul Suter og hljómsveitarstjóri er Kurt Kopecky.
18 sýningar í febrúar
Eldhús eftir máli, leikgerð Völu Þórsdóttur á sex smásögum Svövu Jakobsdóttur, hefur heldur betur fengið góðar viðtökur hjá áhorfendum. Nú hefur verið ákveðið að framlengja sýningartímabil verksins út febrúar og hafa nú hvorki fleiri né færri en 18 sýningar verið settar í sölu en uppselt er nú þegar á margar þeirra. Að öllum líkindum er […]
Nýr söngleikur í Versló
Nemendamótssöngleikur Verslunarskóla Íslands, Á tjá og tundri verður frumsýndur þann 2. febrúar n.k.. Á undanförnum árum hafa þessir söngleikir skapað sér varanlegan sess í leikhúslífi borgarinnar og hvað eftir annað slegið í gegn. Nú hafa Verslókrakkarnir fengið aftur til liðs við sig Gunnar Helgason en hann gerði þrjár af vinsælustu Verslósýningunum fyrir nokkrum árum; Thriller, […]
Nemendaóperan sýnir Töfraflautuna
Í tilefni af því að 250 ár eru liðin frá fæðingu Wolfgangs Amadeusar Mozart 27. jan. 2006. sýnir Nemendaópera Söngskólans í Reykjavík óperu hans Töfraflautuna í Iðnó í Reykjavík. Frumsýning er 27. jan. kl. 20
Æfingar hafnar á Hodja frá Pjort
Leikfélag Hafnarfjarðar vinnur nú að uppsetningu á barnaleikritinu Hodja fra Pjort eftir danska snillinginn Ole Lund Kirkegaard. Það eru Þórunn Gréta Sigurðardóttir og Ingvar Bjarnason sem vinna leikgerðina í samvinnu við leikstjórann Ármann Guðmundsson og leikhópinn. Um búninga og gerfi sér Dýrleif Jónsdóttir. Fjórtán leikarar taka þátt í sýningunni. Frumsýnt verður um miðjan mars í […]
Dúrra fær Þorrann
Á Þorrablóti Egilstaðabúa þann 20. janúar sl. veitti Soffía Lárusdóttir, forseti bæjarstjórnar Fljótsdalshéraðs, Kristrúnu „Dúrru“ Jónsdóttur Þorrann sem er farandgripur sem ár hvert er veittur einhverjum sem unnið hefur samfélaginu ómælt gagn. Þetta er í 12. skipti sem Þorrinn er veittur. Viðurkenninguna fékk Dúrra að sjálfsögðu fyrir störf sín með Leikfélagi Fljótsdalshéraðs en hún hefur […]
Aukasýning á Hinni endanlegu hamingju
Leikfélag Hafnarfjarðar gefur nú einn lokamöguleika á að sjá Hina endanlegu hamingju eftir Lárus Húnfjörð með því að hafa aukasýningu næstkomandi sunnudag, 29. janúar, kl. 20:00 í gamla Lækjarskóla í Hafnarfirði. Miðaverð er kr. 1000,- en miðapantanir eru í síma 848 0475.
Naglinn frumsýndur í Borgarleikhúsinu
Laugardaginn 21. janúar verður Naglinn, broslegur harmleikur um karlmennskuna, eftir Jón Gnarr verður frumsýndur á Litla sviði Borgarleikhússins. Leikstjóri er Valgeir Skagfjörð en leikendur eru Gunnar Sigurðsson og Jón Stefán Kristjánsson. Sýningin er samstarfsverkefni leikhópsins 540 gólf og Borgarleikhússins.
Æfingar hafnar á Þuríði og Kambsráninu
Leikfélag Selfoss hefur hafið æfingar á sögulegu leikriti, „Þuríður og Kambsránið“, eftir Sigurgeir Hilmar Friðþjófsson. Leikritið segir frá hinu fræga Kambsráni í Flóa árið 1827 og hvernig Þuríður formaður Einarsdóttir átti sinn þátt í rannsókn málsins. Og eins og margir vita þá var hún Þuríður þessi mikil baráttukona í hörðum karlaheimi. Stefnt er á að […]
Æfingar hafnar á Maríubjöllunni
Hjá Leikfélagi Akureyrar eru æfingar hafnar á Maríubjöllunni eftir Vassily Sigarev. Hér er um að ræða kraftmikið og átakanlegt nútímaverk sem vakið hefur mikla athygli þar sem það hefur verið sýnt. Leiksýningin verður fyrsta uppsetningin í nýju leikrými Leikfélags Akureyrar, sem enn hefur ekki hlotið nafn. Frumsýning verður 17. febrúar. Maríubjallan gerist á einu kvöldi. […]
LA stendur fyrir leiklistarnámskeiðum
Komdu að leika! – Þriggja vikna leiklistarnámskeið LA stendur fyrir röð leiklistarnámskeiða í lok janúar og byrjun febrúar. Farið verður í undirstöðuatriði leiklistar en námskeiðið er byggt upp á leikjum, æfingum,spuna og trúðatækni. Námskeiðin miðast að að virkja og efla ímyndunaraflið, læra að nýta sér leynda hæfileika , finna ný sjónarhorn á daglegu amstri og […]
Mindcamp í Hafnarfjarðarleikhúsinu
Leikfélagið Sokkabandið frumsýndi þann 15. janúar sl. leikritið Mindcamp í Hafnarfjarðarleikhúsinu. Það eru þeir Egill Heiðar Anton Pálsson og Jón Atli Jónasson sem leiða saman hesta sína í annað skipti í Hafnarfjarðarleikhúsinu með verkinu Mindcamp en Egill leikstýrði verki Jóns Atla, Rambo 7 sem sýnt var á Smíðaverkstæði Þjóðleikhússins sl. vor. Þessi sýning er unnin […]
Námskeið um Öskubusku og Rossini
Öskubuska og Rossini eru meginviðfangsefni næsta námskeiðs sem Vinafélag Íslensku óperunnar og Endurmenntun Háskóla Íslands standa fyrir í sameiningu og hefst 7. febrúar nk. Skráning á námskeiðið er hafin og er skráningarfrestur til og með 20. janúar. Þrjú fyrstu kvöld námskeiðsins verður fjallað um Rossini og Öskubusku og einstakir hlutar óperunnar teknir til nánari skoðunar, […]
Glæpur gegn diskóinu frumsýnt
Steypibaðsfélagið Stútur í samstarfi við Vesturport og Borgarleikhúsið frumsýnir fimmtudaginn 12. janúar leikritið Glæpur gegn diskóinu á Nýja sviði Borgarleikhússins, að leikskáldinu viðstöddu. Höfundur verksins, Gary Owen, þykir eitt af áhugaverðustu og bestu leikskáldum Breta í dag. Leikstjóri er Agnar Jón Egilsson.
Leikfélag Reykjavíkur frumsýnir Carmen
Laugardaginn 14. janúar verður söngleikurinn Carmen frumsýndur á Stóra sviði Borgarleikhússins. Söngleikurinn Carmen er samstarfsverkefni Leikfélags Reykjavíkur og Íslenska dansflokksins, þar sem óperunni eftir Bizet er snúið í söngleik um ástir, afbrýði og hrikaleg örlög, sem ekki verða umflúin.
Æfingar hefjast hjá Leikfélagi Hafnarfjarðar
Fyrsti samlestur á nýju barnaleikriti sem Leikfélag Hafnarfjarðar hyggst setja á fjalirnar í mars nk. verður haldinn í húsnæði Leikfélags Hafnarfjarðar, í gamla Lækjarskóla við Skólabraut í Hafnarfirði þriðjudaginn 10. janúar kl. 20:00. Leikstjóri verksins er Ármann Guðmundsson. Mæting er öllum opinn og vill leikfélagið hvetja alla þá sem áhuga hafa á leiklist, tónlist, búningagerð, […]
Íslenska Óperan setur upp Öskubusku
Æfingar eru hafnar á Öskubusku eftir Rossini, sem frumsýnd verður í Íslensku óperunni 5. febrúar nk. Með aðalhlutverkin fara þau Sesselja Kristjánsdóttir, Garðar Thór Cortes, Bergþór Pálsson, Davíð Ólafsson, Hlín Pétursdóttir, Anna Margrét Óskarsdóttir og Einar Th. Guðmundsson. Hljómsveitarstjóri er Kurt Kopecky, leikstjóri er Paul Suter, sviðs- og búningahönnuður er Season Chiu og lýsingu hannar […]
Leiklistarspjallið opnað
Ákveðið hefur verið að opna Leiklistarspjallið að nýju óskráðum notendum. Þegar skipt var um vefumsjónarkerfi síðastliðið haust var ákveðið að krefjast skráningar notenda. Þessi breyting hefur því miður gert það að verkum að þátttaka í spjallinu hefur stórminnkað og því hefur eins og áður er sagt, verið ákveðið að hafa það öllum opið. Eftir sem […]
Tíu ára vampýruafmæli
Janúarverkefni Hugleiks í Þjóðleikhúskjallaranum er gamanóperan Bíbí og blakan eftir þá Ármann Guðmundsson, Sævar Sigurgeirsson og Þorgeir Tryggvason. Verkið segir frá hinni ungu og fögru Bíbí sem bíður ein eftir að ástin sæki hana heim, en mál hennar vandast þegar tvo gesti ber að garði sömu nóttina: töfrandi en dularfullan rúmenskan nýbúa og ábúðarmikinn vampýruveiðara […]
Sunnudagskvöld með Svövu
Í tengslum við sýningu Þjóðleikhússins, Eldhús eftir máli – Hversdagslegar hryllingssögur eftir Völu Þórsdóttur sem byggir á fimm smásögum Svövu Jakobsdóttur, verða fimm Sunnudagskvöld með Svövu þar sem boðið verður upp á fyrirlestur, kvöldverð, leiksýningu og umræður. Þessi kvöld eru í samvinnu við Rannsóknarstofu Háskóla Íslands í kynjafræðum.
Æfingar hefjast á Selfossi
Leikfélag Selfoss hefur nýja árið með trukki og dýfu sunnudaginn 8. janúar, en þá verður fyrsti samlestur á vorverkefni félagsins. Verkefnið er frumsamið sögulegt leikverk byggt á heimildum um Þuríði formann og Kambsránið, ritað af Sigurgeiri Hilmari Friðþjófssyni. Leikstjóri er Jón Stefán Kristjánsson. Samlesturinn hefst klukkan 14:00 og eru allir áhugasamir velkomnir.
Ljósanámskeið hjá Leikfélagi Hafnarfjarðar
Helgina 7.-8. janúar næstkomandi heldur Leikfélag Hafnarfjarðar námskeið í ljósastjórnun í leikhúsi. Kennari er Egill Ingibergsson sem er gamalreyndur í faginu og hefur hannað lýsingar í fjölmörgum leiksýningum gegnum árin. Kennd verða undirstöðuatriði lýsingar fyrir leikhús auk þess sem farið verður ítarlega yfir notkun og notkunarmöguleika ETC Express ljósaborða við ljósastjórnun. Námskeiðið er tveir dagar, […]
Samkeppni ÍD og LR um dansleikhús
Vilt þú hafa áhrif á þróun dansleikhúss á Íslandi? Leikfélag Reykjavíkur og Íslenski dansflokkurinn óska eftir hugmyndum að dansleikverkum fyrir blandaðan hóp leikara og dansara. Listafólk er hvatt til að taka áskoruninni!
Aukasýning á Jólaævintýri Hugleiks
Þótt seint verði sagt um áhugaleikfélög landsins að þau séu of vel haldin fjárhagslega, er víst að þau „gleyma ekki sínum minnsta bróður“. Þannig hefur Hugleikur ákveðið að bæta við einni aukasýningu á Jólaævintýri sínu þar sem fólki sem að öllu jöfnu á þess ekki kost að sækja leiksýningar er boðið. Öðrum gefst þó tækifæri […]
Leiklistarnámskeið á vegum Andagiftar ehf.
Börn og unglingar hafa gaman af að stíga á svið og er það reynsla okkar eftir að hafa haft hátt í 300 börn á námskeiði fyrir rúmu ári síðan. Við höfum því ákveðið að bæta við námskeiði en alls sjá þrír kennarar ásamt gestakennara sjá um kennsluna á þessu námskeiði. Markmið námskeiðsins er að kynnast starfsemi leikhúsa […]
Halaleikhópurinn setur upp Pókók
Heildarhugmynd leikrits getur breyst ef einhver af persónunum er látin fá einhverja fötlun. Hvað ef Hamlet væri í hjólastól? Hvað ef óvinurinn í Gullna Hliðinu væri dvergvaxinn, verður hann þá jafn ógnvænlegur? Hvað ef Makki hnífur væri á hækjum? Hvað ef Fílamaðurinn væri ófatlaður, en allir aðrir í leikritinu ættu við einhverja fötlun að stríða? […]
Belgíska Kongó tekið upp
Belgíska Kongó eftir Braga Ólafsson gekk fyrir fullu húsi í Borgarleikhúsinu 2 leikár í röð. Vegna fjölda áskoranna hefur nú verið ákveðið að taka verkið aftur upp e. áramót. Fyrsta sýning verður 7. janúar. Eggert Þorleifsson hlaut Grímuverðlaunin fyrir bestan leik í aðalhlutverki karla vorið 2004 fyrir túlkun sína á hinni fjörgömlu Rósalind. Bankastarfsmaðurinn Rósar […]
Norrænu leikskáldaverðlaunin 2006
Leiklistarsamband Íslands-ITI hefur tilnefnt Jón Atla Jónasson, leikskáld, til Norrænu leikskáldaverðlaunanna 2006, fyrir leikverkið BRIM sem sýnt var af Vesturporti. Í dómnefnd fyrir hönd Leiklistarsambandsins sátu þau Sveinbjörn I. Baldvinsson leikskáld, Steinunn Knútsdóttir leikstjóri og Silja Aðalsteinsdóttir bókmenntafræðingur.
Eldhús eftir máli
Eldhús eftir máli – Hversdaglegar hryllingssögur eftir Völu Þórsdóttur sem byggir á nokkrum smásögum Svövu Jakobsdóttur verður frumsýnt á Smíðaverkstæðinu 29. desember nk. Leikstjóri er Ágústa Skúladóttir.
Túskildingsóperan frumsýnd annan í jólum
Jólaverkefni Þjóðleikhússins að þessu sinni er Túskildingsóperan eftir Bertolt Brecht og Kurt Weill. Leikstjóri er Stefán Jónsson. Þegar sómakærir Íslendingar eru rétt búnir að kyngja jólaöndinni sprettur fram hinn forboðni ávöxtur leikhúsjöfranna Bertolts Brecht og Kurts Weill. Þetta óperuútfrymi gerði allt vitlaust þegar það var frumsýnt í Berlín 1928.