Nýtt íslenskt jólaleikrit frumsýnt á Ísafirði
Kómedíuleikhúsið á Ísafirði frumsýnir nýtt íslenskt jólaleikrit laugardaginn 17. nóvember í Tjöruhúsinu. Leikurinn heitir Jólasveinar Grýlusynir og er einleikur einsog flest verk Kómedíuleikhússins. Höfundar eru þau Elfar Loga Hannesson og Soffía Vagnsdóttur. Hér er á ferðinni leikur um gömlu íslensku jólasveinanna og ýmsum spurningum reynt að svara um þessa skrítnu sveina. Hvers vegna er Stúfur […]
María, asninn og gjaldkerarnir í Borgarleikhúsinu
Þriðjudaginn 20. nóvember frumsýna krakkarnir í leikhópnum Borgarbörn, jólaleikritið María, asninn og gjaldkerarnir á Nýja sviði Borgarleikhússins. Þetta er söngleikur þar sem öll hlutverk er skipuð börnum og unglingum úr söng- og leiklistarskólanum Sönglist sem starfræktur er í samstarfi við Borgarleikhúsið. Í fyrra setti sami hópur upp jólasýninguna Rétta leiðin við frábærar undirtektir.
Íslandsklukkan frumsýnd á Húsavík
Þann 17. nóvember n.k. frumsýnir Leikfélag Húsavíkur, Íslandsklukkuna eftir Halldór Laxness, í leikstjórn Arnórs Benónýssonar. Tónlist er eftir Guðna Bragason og hann er einnig tónlistarstjóri sýningarinnar. Byggt er á leikgerð Bríetar Héðinsdóttur sem hún gerði fyrir Leiklistarskólann árið 1980. Hér er um að ræða eina af bókmenntaperlum þjóðarinnar sem ekki má falla í gleymskunnar dá.
Konan áður frumsýnt
Leikritið Konan áður hefst á stórri spurningu þegar fjölskyldufaðirinn Frank mætir fortíð sinni í dyragættinni. Fyrir utan stendur kona, komin til að krefja hann um gamalt loforð því hún er konan sem hann sagðist alltaf ætla að elska. Þjóðleikhúsið frumsýnir verkið á Smíðaverkstæðinu þann 16. nóvember nk. í leikstjórn Hafliða Arngrímssonar.
Leikfélag Selfoss hefur æfingar á nýjum gamanleik
Félagar í Leikfélagi Selfoss undirbúa nú af krafti afmælissýningu félagsins, en félagið hefur hafið æfingar á gamanleikritinu Með táning í tölvunni eða Caught in the net eins og það heitir á frummálinu. Verkið er eftir Ray Cooney, en þýðing er í höndum Jóns Stefáns Kristjánssonar, sem einnig mun leikstýra því. Verkið er framhald af leikritinu […]
Frelsarinn kemur 22. nóvember!
Leikhúslistamaðurinn Kristján Ingimarsson er höfundur sýningarinnar Frelsarinn sem sýnd verður á Íslandi í lok nóvember. Sýningar verða á Stóra sviði Þjóðleikhússins 22. nóvember og hjá Leikfélagi Akureyrar 24-25. nóvember. Leikhópur Kristjáns, Neander, hefur sýnt sýningu þessa við glimrandi undirtektir í Danmörku að undanförnu.
Opinn dagur í Listaháskóla Íslands
Föstudaginn 9. nóvember n.k. verður opinn dagur í öllum deildum Listaháskóla Íslands og er áhugasömum boðið að koma í skólann og kynnast starfsemi hans. Kynningar fara fram í húsakynnum skólans á eftirfarandi stöðum: Sölvhólsgötu 13 Leiklistardeild og tónlistardeild kl. 14-18 Laugarnesvegi 91 Myndlistardeild og kennaranám kl. 11-18 Skipholt 1 Hönnunar- og arkitektúrdeild […]
Þetta mánaðarlega hjá Hugleik
Fyrsta leikdagskrá leikfélagsins Hugleiks í vetur verður flutt í Þjóðleikhúskjallaranum sunnudaginn 11. nóvember og þriðjudaginn 13. nóvember. Að þessu sinni verða á boðstólum sex ný leikverk eftir félagsmenn, í leikstjórn nemenda af leikstjórnarnámskeiðum sem félagið hefur staðið fyrir í haust undir leiðsögn Sigrúnar Valbergsdóttur.
Leg rennur sitt skeið
Það fer hver að vera síðastur að sjá Leg, söngleik Hugleiks Dagssonar og tríósins Flís, í Þjóðleikhúsinu. Sýningum lýkur þann 17. nóvember nk. en uppselt er á næstu tvær sýningar. Örfá sæti eru laus á síðustu sýninguna og hefur verið brugðið á það ráð að efna til aukasýningar kl. 16 þann sama dag.
Ég bið að heilsa
Jónasardagskrá á Ísafirði Kómedíuleikhúsið, í samstarfi við Þröst Jóhannesson tónlistarmann, frumsýnir ljóðaleikinn Ég bið að heilsa miðvikudaginn 7. nóvember á veitingastaðnum Við Pollinn á Ísafirði. Leikurinn er settur upp í tilefni af 200 ára fæðingarafmælis Jónasar Hallgrímssonar þann 16. nóvember nk.
Ársrit BÍL 2006-2007
Ársrit Bandalags íslenskra leikfélaga fyrir leikárið 20062007 er komið út. Að venju kennir þar ýmissa grasa en þar eru birtar upplýsingar um starfsemi aðildarfélaganna og Bandalagsins á liðnu leikári. Prentuð útgáfa hefur verið send til formanna leikfélaganna en einnig er hægt að nálgast ritið á PDF-formi hér .
Skilaboðaskjóðan frumsýnd 7. nóvember
Ævintýrasöngleikurinn Skilaboðaskjóðan eftir Þorvald Þorsteinsson og Jóhann G. Jóhannsson verður frumsýndur á Stóra sviðinu í Þjóðleikhúsinu miðvikudagskvöldið 7. nóvember kl. 20. Hér er á ferðinni litríkt og fjörugt ævintýri fyrir alla fjölskylduna þar sem kunnuglegar persónur skjóta upp kollinum. Leikritið var frumsýnt í Þjóðleikhúsinu árið 1993 og sló eftirminnilega í gegn, enda hefur verk þetta […]
Leikhús í smíðum í Kópavogi
Laugardaginn 3. nóvember var undirritaður rekstrar- og samstarfssamningur milli Kópavogsbæjar og Leikfélags Kópavogs í nýju húsnæði leikfélagsins að Funalind 2 í Kópavogi. LK, sem varð 50 ára á árinu, tók um leið formlega við húsnæðinu. Hér er um tímamót að ræða því húsið að Funalind verður fyrsta eiginlega leikhúsið í Kópavogi, þ.e. hús sem er […]
Freyvangsleikhúsið Í beinni
Á hverju ári heldur Freyvangsleikhúsið grín- og söngskemmtun að síðhausti. Sýningin Í beinni verður sýnd 2. og 3. nóvember næstkomandi í Freyvangi. Leikmynd leikhússins er nú sviðsmynd nýs sjónvarpsþáttar en allt gengur á afturfótunum svo ekki er annað hægt en að bresta í söng af og til.
Blái hnötturinn í Vestmannaeyjum
Leikfélag Vestmannaeyja frumsýnir nú um helgina leikritið Blái Hnötturinn eftir Andra Snæ Magnason. Leikstjóri er Guðjón Þorsteinn Pálmarsson.
Söngleikurinn Oliver frumsýndur
Leikfélagið Grímnir í Stykkishólmi frumsýnir söngleikinn Oliver eftir Lionel Bart, föstudaginn 2. nóvember kl 20:00. Leikstjóri verksins er Guðjón Sigvaldason og þýðinguna gerði Flosi Ólafsson en verkið byggir á hinni frægu sögu Charles Dickens, Oliver Twist.
Íslandsklukkan á Húsavík
Leikfélag Húsavíkur æfir nú Íslandsklukkuna eftir Halldór Laxness og byggir á leikgerð Bríetar Héðinsdóttur sem hún gerði fyrir Leikslistarskólann árið 1980. Mikil tónlist verður í þessari uppsetningu og er hún öll samin af Guðna Bragasyni tónlistarkennara og tónlistarstjóra uppsetningarinnar. Leikstjóri er Arnór Benónýsson. Æfingar hófust seint í ágúst og frumsýning er ákveðin 17. nóvember […]
Ökutímar frumsýnt Hjá LA
Föstudaginn 2. nóvember verður verðlaunaverkið Ökutímar eftir Paulu Vogel frumsýnt hjá Leikfélagi Akureyrar. Leikritið hefur farið sigurför um heiminn og hlotið fjölda verðlauna og viðurkenninga. Meðal annars hlaut það hin virtu Pulitzer-verðlaun þegar það var frumsýnt í Bandaríkjunum fyrir sjö árum. Glæsilegur hópur listamanna tekur þátt í uppsetningu LA á verkinu en meðal þeirra eru […]
Engin leiksýning hjá Hallvarði súganda sumarið 2008
Aðalfundur var haldinn hjá Leikfélaginu Hallvarði súganda laugardaginn 27. október sl. Aðeins stjórn félagsins mætti á fundinn en tekið skal fram að fundur telst löglegur ef löglega sé til hans boðað. Farið var yfir stöðu mála félagsins og framtíðin rædd. Ákveðið var af stjórn félagsins að taka sér leyfi frá störfum til næsta aðalfundar og […]
Endastöð Ameríka sýnt í Borgarleikhúsinu
Borgarleikhúsið býður uppá gestaleik frá Volksbühne í Berlín. Verkið og leikstjórinn eru ekki af síðri endanum en Frank Castorf er einn af virtustu leikstjórum í Evrópu í dag. Verkið sem sýnt verður er Endastöð Ameríka og er túlkun Castorfs á leikriti Tennesee Williams Sporvagninn Girnd . Sýningin er samstarfsverkefni Volksbuhne í Berlín og Salzburg Festspiel […]
Stúdentaleikhúsið frumsýnir Lífið liggur við
Laugardaginn 27. frumsýnir Stúdentaleikhúsið splunkunýjan íslenskan gamanleik, Lífið liggur við – grafalvarlegan skrifstofufarsa eftir Hlín Agnarsdóttur, leikstjóra verksins, í samvinnu við leikhópinn. Sýnt er í kjallara Norræna hússins.
Ræðismannsskrifstofan frumsýnd í Borgarleikhúsinu
Fimmtudaginn 25.október verður leikritið Ræðismannsskrifstofan frumsýnt á Nýja svið Borgarleikhússins. Leikstjóri og höfundur Jo Strömgren og sýningin er unnin í samstarfi við Jo Strömgren Kompani. Sunnudaginn 28. október kl. 20 verður svo haldin dagskrá í tengslum við sýninguna þar sem hlutverk tungumálsins verður skoðað í víðu samhengi.
Mikil aðsókn hjá sjálfstæðum leikhúsum
Aðsókn á sýningar sjálfstæðu leikhúsanna hefur stóraukist undanfarin ár. Síðastliðið leikár er engin undantekning þar sem heildaráhorfendafjöldi á sýningar sjálfstæðra leikhúsa var 255.000. Áttatíu og tvö sviðsverk voru sýnd á liðnu leikári og að meðaltali voru sýndar fjórar sýningar á dag alla tólf mánuði leikársins hjá sjálfstæðum leikhúsum.
Allt í plati hjá Leikfélagi Mosfellssveitar
Sunnudaginn 21. október klukkan 16:00 verður barnaleikritið Allt í plati eftir Þröst Guðbjartsson frumsýnt hjá Leikfélagi Mosfellssveitar. Leikstjórar eru þau Herdís Þorgeirsdóttir og Ólafur Haraldsson en alls standa yfir 30 manns að sýningunni.
Leikhússport í Kópavogi
Nú á haustdögum fer af stað námskeið í leikhússporti hjá Leikfélagi Kópavogs. Félagar LK eru búinr að rýma til í nýju húsnæði sínu í Funalind í Kópavogi og útbúa æfingaaðstöðu þannig að nú er þeim ekki til setunnar boðið og mun námskeiðið hefjast fimmtudaginn 25. október næstkomandi. Námskeiðið er öllum opið sem áhuga hafa á […]
Alína frumsýnd á Sauðárkróki
Leikfélag Sauðárkróks frumsýnir næstkomandi laugardag, 20. október kl. 17:00, barna- og fjölskylduleikritið Alína. Höfundur og leikstjóri verksins er Skagfirðingurinn Stefán Sturla Sigurjónsson og tónlistin er eftir Valgeir Skagfjörð. Sýnt er í Bifröst.
Kafka krufinn á alla kanta
Í tilefni þess að í vikunni verða tvær sýningar á fjölum Þjóðleikhússins sem tengjast rithöfundinum Franz Kafka gengst leikhúsið fyrir Kafka-kvöldi í Þjóðleikhúskjallaranum næstkomandi miðvikudagskvöld. Verkið Hamskiptin, sem byggt er á einni af frægustu sögum tékkneska rithöfundarins Franz Kafka, er nú sýnt á Stóra sviðinu í rómaðri uppfærslu leikhópsins Vesturports en næstkomandi fimmtudag verður gestaleikur frá […]
Gosi frumsýndur í Borgarleikhúsinu
Laugardaginn 13. október kl. 14.00 verður leikritið Gosi eftir Karl Ágúst Úlfsson frumsýnt á Stóra sviði Borgarleikhússins. Verkið byggir á hinni heimsfrægu sögu ítalans Carlo Collodi um spýtustrákinn sem öðlast líf og ratar í einfeldni sinni í ótal ævintýri. Leikstjóri er Selma Björnsdóttir og tónlist er eftir Þorvald Bjarna Þorvaldsson.
Halaleikhópurinn með kaffileikhúskvöld
Í tilefni af 15 ára afmæli Halaleikhópsins verður kaffihúsakvöld í Halanum, Hátúni 12. föstudaginn 12. og sunnudaginn 14. október og hefjast þau kl. 20.30. Félagar í Halaleikhópnum munu flytja afrakstur af námskeiði sem haldið var nú á haustdögum undir stjórn Ágústu Skúladóttur og bar nafnið Sólóstund leikarans. Einnig verður ljóðalestur og sýnt stuttverkið Hvað drap […]
Draumasmiðjan frumsýnir Ég á mig sjálf
Miðvikudaginn 10. október frumsýnir Draumasmiðjan Ég á mig sjálf, forvarnarleikrit gegn átröskunarsjúkdómnum anorexíu,. Verkið er samið af leikhópnum og Gunnari Gunnsteinssyni. Leikarar eru Ásta Sighvats Ólafsdóttir og Bryndís Petra Bragadóttir en leikstjóri er Margrét Pétursdóttir. Frumsýningin verður í Hagaskólanum í Reykjavík klukkan tíu árdegis.
Hversu lengi logar?
Leikritið Hjónabandsglæpir eftir franska leikskáldið Eric-Emmanuel Schmitt verður tekið til sýninga á ný í Þjóðleikhúsinu. Sýningar hefjast þann 11. október í Kassanum á Lindargötu 7. Verkinu var afar vel tekið í vor og var þéttsetið á allar sýningarnar sem og aukasýningar. Sýningin hlaut ennfremur afar góða dóma hjá gagnrýnendum.
Ljósa- og hljóðvinnslunámskeið á Egilsstöðum
Í október verður boðið upp á tækninámskeið sem nýst geta vel leikfélögum á Austurlandi og nágrenni. Helgina 12. – 14. október verður haldið ljósanámskeið fyrir fólk sem vinnur í leikhúsi og öðrum sviðslistum. Kennari er Þorsteinn Sigurbergsson, námskeiðsgjald kr. 10.000.- og skráning hjá vegahusid@gmail.com Helgina 26. – 28. október verður haldið hljóðvinnslunámskeið þar […]
Jólasveinar óskast
Nú fer að líða að jólum og undirbúningur jólaballa að hefjast. Við hjá Kraðaki ehf. leitum nú leikara til að manna jólaböll vetrarins. Við leitum að sjálfstæðu og hressu fólki til að leika jólasveina, Grýlu, Leppalúða og ýmislegt annað tilfallandi. Góð laun í boði. Áhugasamir vinsamlegast hafið samband við okkur á kradak@kradak.is eða í símum 698-1293 Anna Begga / 699-3993 […]
Leikfélag Dalvíkur æfir Sölku Völku
Hjá Leikfélagi Dalvíkur standa nú yfir æfingar á Sölku Völku eftir sögu Halldórs Laxness í leikgerð Ingu Bjarnasonar og fleiri. Inga Bjarnason hefur verið ráðin leikstjóri að verkinu. Þetta er viðamikil uppfærsla, en um 40 manns taka þátt í henni, konur, karlar og unglingar og börn. Í uppfærslunni er bæði tónlist og söngur. Það er […]
Hálsfesti Helenu aftur á svið
Fimm sýningar á verkinu Hálsfesti Helenu verða sýndar núna í haust en verkið var frumsýnt á Smíðaverkstæðinu í vor. Sú fyrsta verður í kvöld, föstudaginn 28. september. Leikritið er eftir eitt þekktasta nútímaleikskáld Kanada, Carole Fréchette, en hún skrifaði verkið eftir að hafa dvalið um tíma í Líbanon árið 2000. Leikstjóri sýningarinnar er María Sigurðardóttir […]
Halaleikhópurinn 15 ára
Halaleikhópurinn er 15 ára í dag. Leiklistarvefurinn óskar afmælisbarninu innilega til hamingju með daginn. Halaleikhópurinn er áhugaleikhópur fatlaðra og ófatlaðra og hefur það að markmiði að iðka leiklist fyrir alla. Ýmislegt er á döfinni hjá leikhópnum. Nú í september hefur Ágústa Skúladóttir verið með uppistandsnámskeið. Afrakstur þess verður að hluta til sýndur á afmælishátíð Halaleikhópsins […]
Aðalfundur hjá Leikfélagi Hörgdæla
Aðalfundur Leikfélags Hörgdæla verður haldinn á Melum, Hörgárdal, mánudagskvöldið 1. okt. nk. og hefst kl: 20:30. Á dagskrá eru venjuleg aðalfundarstörf ásamt lagabreytingum. Rætt verður um starfið á komandi vetri. Allir áhugasamir er hvattir til að mæta og hafa þannig áhrif á stefnu og starf félagsins. Stjórnin.
Aðalfundur hjá Leikfélagi Hafnarfjarðar
Föstudaginn 28. september kl. 20 verður aðalfundur Leikfélags Hafnarfjarðar haldinn í húsakynnum félagsins, Gamla Lækjarskóla í Hafnarfirði. Þar verður, auk hefðbundinna aðalfundarstarfa, rædd starfsemi vetrarins og er allt áhugafólk um leiklist boðið velkomið, ekki síst þeir sem hafa áhuga á að ganga til liðs við félagið. Stjórn Leikfélags Hafnarfjarðar
Hamskiptin frumsýnd
Þjóðleikhúsið frumsýnir Hamskiptin eftir Franz Kafka á Stóra sviðinu, fimmtudaginn 27. september nk. Hér er á ferðinni ný íslensk uppfærsla á rómaðri sýningu leikhópsins Vesturports sem frumsýnd var í Lyric Hammersmith leikhúsinu London í fyrra og hlaut frábærar viðtökur. Hamskiptin eftir Franz Kafka er ein af þekktustu skáldsögum 20. aldarinnar en sagan þykir í senn […]
Æfingar hafnar á Alina
Leikfélag Sauðárkróks er komið vel á veg með æfingar á splunku-, flunku-, glænýju barnaleikriti sem heitir Alína. Leikritið er eftir Skagfirðinginn Stefán Sturlu Sigurjónsson og Valgeir Skagfjörð semur tónlistina. Stefán leikstýrir hópnum sjálfur og færist mikið í fang því leikendur verða yfir 30 talsins, þar af þrennir tvíburar hvorki meira né minna. Leikritið fjallar um […]